കാൽ നൂറ്റാണ്ട്, അഞ്ഞൂറിലേറെ കുഞ്ഞുങ്ങളും അമ്മമാരും; ഗിന്നസ് ബുക്കുകാർ കാണുന്നുണ്ടോ ഈ പൊന്നമ്മയെ?കാൽ നൂറ്റാണ്ട്, അഞ്ഞൂറിലേറെ കുഞ്ഞുങ്ങളും അമ്മമാരും; ഗിന്നസ് ബുക്കുകാർ കാണുന്നുണ്ടോ ഈ പൊന്നമ്മയെ?

May 11, 2019, 9:31 am

≫ Next: 'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു 'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു

≪ Previous: ഞാന്‍ ഒരു അമ്മക്കുട്ടി : ടൊവിനോ തോമസ്ഞാന്‍ ഒരു അമ്മക്കുട്ടി : ടൊവിനോ തോമസ്

$

0

0

​നാട്ടുകാർ പറയുന്നത് പൊന്നമ്മ ചേച്ചിയെ ദൈവം ഇതിനായി നിയോഗിച്ചതാണെന്നാണ്.അല്ലെങ്കിൽ പിന്നെ എങ്ങനെയാണ് ഒരാൾക്ക്ഇത്രയധികം കുട്ടികളെ കുളിപ്പിക്കാൻ കഴിയുന്നത്. ഒന്നും രണ്ടുമല്ല, കഴിഞ്ഞ ഇരുപത്തിയഞ്ച് കൊല്ലത്തിനിടയ്ക്ക് അഞ്ഞൂറിലേറെകുഞ്ഞുങ്ങളെയാണ് പൊന്നമ്മച്ചേച്ചി കുളിപ്പിച്ചത്. ഇതിനോടകം മൂന്നു തലമുറയിൽപ്പെട്ട കുഞ്ഞുങ്ങളെ ഇവർ കുളിപ്പിച്ചു കഴിഞ്ഞു. ജനിച്ച് ഏതാനും ദിവസങ്ങൾ മാത്രം പ്രായമായ കുഞ്ഞുങ്ങളെയും പ്രസവിച്ച്എഴുന്നേറ്റ അമ്മമാരെയുമാണ് കോട്ടയം എസ്. എച്ച് മൗണ്ട് സ്വദേശിനിയായ പൊന്നമ്മ ശേഖരൻ കുളിപ്പിക്കുന്നത്.

ഇതൊരു ജോലിയായല്ല പൊന്നമ്മ കരുതുന്നത്. കുഞ്ഞുങ്ങൾ ദൈവങ്ങളാണെന്നും താൻ കുളിപ്പിക്കുന്നത് ദൈവങ്ങളെയാണെന്നുമാണ് അവർ സന്തോഷത്തോടെ പറയുന്നത്. മാസത്തിൽ പരമാവധി ഒരാഴ്ചയാണ് വീട്ടിൽ ഇരിക്കുന്നത്. പോയി വരാവുന്ന ദൂരത്തിലുള്ള സ്ഥലങ്ങളിൽ മാത്രമേ ഇവർ ഇങ്ങനെപോകാറുള്ളൂ.

ജനിച്ച് ദിവസങ്ങൾ മാത്രം പ്രായമുള്ള കുഞ്ഞുങ്ങളെയും അവരുടെഅമ്മമാരെയുംകുളിപ്പിക്കുമ്പോൾ വളരെയേറെ ശ്രദ്ധ വേണമെന്ന് ഇവർ പറയുന്നു. കുഞ്ഞിന്റെ മൂക്കിലോ വായിലോ ചെവിയിലേ വെള്ളം പോകാതെ ശ്രദ്ധയോടെ വേണം കുളിപ്പിക്കാൻ. കുഞ്ഞിനെ കുളിപ്പിക്കുമ്പോൾ, അട്ടിയ ശുദ്ധമായ വെളിച്ചെണ്ണയാണ് ഉപയോഗിക്കുന്നത്. സാധാരണ കുഞ്ഞുങ്ങളെ ഒരുമാസം വരെയാണ് കുളിപ്പിക്കാറുള്ളത്. കുഞ്ഞുങ്ങളെ കുളിപ്പിക്കുമ്പോൾ വെള്ളത്തിന് തണുപ്പ് മാറിയാൽ മതി. പച്ച വെള്ളത്തിലേയ്ക്ക് ചൂടുവെള്ളം ഒഴിച്ചു വേണം വെള്ളം തണുപ്പിക്കാൻ. വെള്ളം ഒന്നിച്ച് എടുത്തു കയ്യിട്ട് കുളിപ്പിക്കുന്നതിന് പകരം അൽപ്പം വെള്ളം മാറ്റിവച്ചു വേണം കുളിപ്പിക്കാൻ. കുഞ്ഞിന്റെ മുഖം കഴുകുമ്പോൾ കൈകൊണ്ട് വെള്ളം തളിച്ചു കളഞ്ഞ ശേഷം മുഖം കഴുകുക. കുളിപ്പിക്കുമ്പോൾ തള്ളവിരൽ കൊണ്ട് പുരികം വരയ്ക്കും. കൂടാതെ പുറംതിരുമി, കണ്ണും മൂക്കും വിരലുകൊണ്ട് വരച്ചുവേണം കുളിപ്പിക്കാൻ. ഇടതു കയ്യിൽ തലവച്ച് കമഴ്ത്തി കിടത്തി വലതു കൈകൊണ്ട് തലയുടെ പിൻഭാഗം തിരുമണം. ഇത് തലയ്ക്ക് കൃത്യമായ ആകൃതി കിട്ടാൻ സഹായിക്കും.

കൂടാതെ ചില കുട്ടികളുടെ കൈയും കാലുമൊക്കെവളഞ്ഞോ ആകൃതി തെറ്റിയോ ആവും ഉണ്ടാവുക. ഇങ്ങനെ ഉള്ളപ്പോൾ കുഞ്ഞിന്റെ കാലുകൾ ഒപ്പം വച്ച് മുട്ടുകളും കാലും തിരുമി കുളിപ്പിക്കും. ഇത് കാലുകൾക്ക് ആകൃതിയും ഓരേ നീളവും കിട്ടാൻ സഹായിക്കും. കുഞ്ഞിനെ കയ്യിൽ എടുക്കുമ്പോൾ തന്നെ കുഞ്ഞിന്റെകാലുകൾക്ക് എന്തെങ്കിലും പ്രശ്നം ഉണ്ടോ എന്ന് മനസിലാകുമെന്നും കുളിപ്പിക്കുന്നതിലൂടെ ഈ പ്രശ്നങ്ങൾ പരിഹരിക്കാൻ കഴിയുമെന്നുംപൊന്നമ്മ ചേച്ചി പറയുന്നു. ചില ഡോക്ടർമാർ കാലുകളുടെ നീളവ്യത്യാസം പരിഹരിക്കാൻ കുളിപ്പിക്കുന്നവരോട് പറഞ്ഞാൽ മതി എന്ന് പറയാറുണ്ടെന്ന് പൊന്നമ്മ ചേച്ചി പറയുന്നു. കുഞ്ഞിനെ കുളിപ്പിച്ച് തോർത്തിയ ശേഷം നല്ല തുണിയിൽ പൊതിഞ്ഞു വേണം കിടത്താൻ. രണ്ടു മണിക്കൂർ നേരമെങ്കിലുംകുഞ്ഞിനെ പൊതിഞ്ഞു കിടത്തുന്നതാണ് നല്ലത്. പറഞ്ഞ തിയ്യതിക്കു മുമ്പ് ജനിച്ച കുഞ്ഞാണെങ്കിൽ ആ തിയ്യതിക്കു ശേഷം മാത്രമായിരിക്കും കുളിപ്പിച്ചു തുടങ്ങുക.



കുഞ്ഞിനെ കുളിപ്പിക്കുന്നതിനേക്കാൾ ശ്രമകരമായ ജോലിയാണ് പെറ്റെണിറ്റ അമ്മയെ കുളിപ്പിക്കുന്നത്. ശിരസ്സ് മുതൽ വേണം തുടങ്ങാൻ. ആദ്യം അമ്മയെ ഇരുത്തിക്കൊണ്ട് തലയിൽ എണ്ണ പുരട്ടണം. തലയിൽ എണ്ണ വച്ച ശേഷം ശരീരം മുഴുവൻ എണ്ണ തേച്ച് മൂന്നു നാല് മണിക്കൂർ ഇരുത്തും. ഇതിനു ശേഷമാണ് കുളിപ്പിക്കുക. കുളിപ്പിക്കുമ്പോഴും നാൽപ്പാമരമോ പച്ചിലകളോ ഇട്ട് തിളപ്പിച്ച വെള്ളത്തിലാണ് കുളിപ്പിക്കുന്നത്. ഇലയിട്ടു തിളപ്പിച്ച വെള്ളത്തിൽ കുളിക്കുന്നതാണ് പെണ്ണുങ്ങളുടെ ശരീരത്തിന് കൂടുതൽ ഗുണമെന്ന്ഇവർ പറയുന്നു. അമ്മയെ കുളിപ്പിക്കുമ്പോൾ ഇലയിട്ടു വെന്ത വെള്ളത്തിൽ നിന്ന് ഇലകൾ വാരി ശരീരത്തിൽ മുഴുവൻ ചൂടുപിടിക്കണം. നാൽപ്പാമരമാണെങ്കിൽ തുണി മുക്കിയ ശേഷം ശരീരം മുഴുവൻ ചൂടു പിടിക്കണം.

പൂവരശ്, കൊടിയില, കാപ്പി, കരിങ്ങോട്ട, പഴുത്ത പ്ലാവില, പഴുത്ത മാവില തുടങ്ങി ഏഴ് കൂട്ടം ഇലകൾ ചേർത്താണ് പ്രസവരക്ഷയ്ക്കായുള്ള വെള്ളം തിളപ്പിക്കുന്നത്. കൂടാതെ ഈ വെള്ളത്തിൽ അൽപ്പം പച്ചമഞ്ഞൾ ചതച്ചിടും. വീടിന് പുറത്ത് അടുപ്പു കൂട്ടി വലിയ ചെമ്പിലാണ് വെള്ളം തിളപ്പിക്കുന്നത്. തലേദിവസം തന്നെ എല്ലാ കൂട്ടവും ഇട്ട് വെള്ളം തിളപ്പിച്ചിട്ട് പിറ്റെ ദിവസം ഒന്നുകൂടി തിളപ്പിച്ച ശേഷമാണ് കുളിപ്പിക്കാനായി വെള്ളം എടുക്കുന്നത്. സാധാരണ ഏഴു മുതൽ ഒൻപത്ദിവസം വരെയാണ് അമ്മമാരെ കുളിപ്പിക്കുന്നത്. ഇതിനുശേഷം നാൽപ്പാമരം ഇട്ട് വെള്ളം തിളപ്പിച്ച് തന്നെ കുളിക്കാവുന്നതാണ്. നല്ല ചൂടുള്ള വെള്ളത്തിൽ വേണം അമ്മയെ കുളിപ്പിക്കാൻ. കാരണം കുഴമ്പ്തേക്കുമ്പോൾ ചൂട് ഉണ്ടെങ്കിലേ ഗുണം ചെയ്യു.

കുളിപ്പിക്കും മുമ്പ് വെന്ത ഇലകൾ കൊണ്ട് ശരീരം മുഴുവൻ ചൂടു പിടിക്കും. കഴുത്തു മുതലാണ് വെന്ത ഇല കൂട്ടിപ്പിടിക്കുന്നത്. ശേഷം ഒരം, നടു, കാല് എന്നിവിടങ്ങളിൽ പ്രധാനമായും ചൂടുപിടിക്കും. ശരീരവലുപ്പും കൂടുതൽ ഉള്ളവരെ കിടത്തിയാണ് തിരുമുകയും കുളിപ്പിക്കുകയും ചെയ്യുന്നതെന്ന് പൊന്നമ്മ പറയുന്നു. എന്നാൽ സിസേറിയൻ കഴിഞ്ഞവരെ കിടത്തി തിരുമാറില്ല. ഇവരെ 20 ദിവസം കഴിഞ്ഞ് മുറിവ് കരിഞ്ഞതിനു ശേഷം മാത്രമേ കുളിപ്പിക്കാറുള്ളൂ. മുറിവിൽ എണ്ണയോ കുഴമ്പോ പറ്റിയാൽ പഴുപ്പ് വരാനുള്ള സാധ്യത കൂടുതലായതിനാലാണ് ഇങ്ങനെ ചെയ്യുന്നത്. അമ്മമാരുടെ ശരീരം തിരുമുമ്പോൾ ആറാംവാരി മുതൽ താഴേയ്ക്കാണ് തിരുമുന്നത്. സിസേറിയൻ കഴിഞ്ഞവരെ 20 ദിവസം കഴിഞ്ഞാലും സൂക്ഷിച്ചാകും തിരുമുകയും കുളിപ്പിക്കുകയും ചെയ്യുന്നത്.

ചിലർ പറയും മുറിവ് കെട്ടിയ ശേഷം കുളിപ്പിക്കാമെന്ന്.എന്നാൽ അതിന്റെ ആവശ്യം ഇല്ലെന്നും പത്തിരുപതു ദിവസം കാത്തിരുന്ന ശേഷം കുളിപ്പിച്ചാൽ മതിയെന്നും പൊന്നമ്മ ചേച്ചി പറയുന്നു. പെറ്റ് എഴുന്നേൽക്കുമ്പോൾ പെണ്ണുങ്ങൾക്ക് നൽകുന്ന ശുശ്രൂഷയാണ് പിന്നീടുള്ള അവരുടെ ആരോഗ്യത്തിന്റെ ആണിക്കല്ല്. പെറ്റ് എഴുന്നേറ്റ് പച്ചമരുന്നും കഷായവും കഴിക്കുമ്പോൾ തന്നെ ശരീരം തിരുമി കുളിപ്പിക്കുന്നത് വളരെയധികം പ്രധാനപ്പെട്ടതാണെന്ന് പൊന്നമ്മ ചേച്ചി ഓർമപ്പെടുത്തുന്നു. കുറഞ്ഞത് ഒരു മണിക്കൂറാണ് ഒരു അമ്മയെ കുളിപ്പിക്കാൻ എടുക്കുന്ന സമയം. ആദ്യ ദിവസം കുഞ്ഞിനെ എണ്ണ തേച്ച് ഇരുത്താറില്ല. പെട്ടെന്ന് തന്നെ കുളിപ്പിക്കും. കുഞ്ഞിന് എണ്ണയും വെള്ളവുമായി ഒരു പരിചയം വരാൻ വേണ്ടിയാണ് ഇങ്ങനെ. എന്നാൽ രണ്ട് മൂന്നു ദിവസങ്ങൾക്ക് ശേഷം എണ്ണ തേച്ച് അൽപ്പസമയം ഇരുത്തിയ ശേഷമാകും കുളിപ്പിക്കുക.



പൊന്നമ്മ കുഞ്ഞിനെ കുളിപ്പിക്കുന്നു



കുഞ്ഞിനെ ഇപ്പോഴും പാളയ്ക്കകത്ത് കിടത്തിയാണ് ഇവർ കുളിപ്പിക്കുന്നത്. പാളകിട്ടാത്തിടത്ത് സ്വന്തം വീട്ടിൽ നിന്ന് പാള കൊണ്ടുപോയി ഇവർ കുഞ്ഞിനെ കുളിപ്പിക്കും. പ്ലാസ്റ്റിക്ക് ഷീറ്റിൽ കിടത്തി കുളിപ്പിക്കുമ്പോൾ കുഞ്ഞുങ്ങൾ തെന്നിപ്പോകും. നന്നായി കുളിപ്പിക്കാൻ പറ്റില്ല-അവർ പറയുന്നു. വർഷകാലത്ത് കുളിപ്പിക്കുമ്പോൾ കുഞ്ഞിന്റെ ശരീരത്തിൽ ആദ്യത്തെ അഞ്ചു ദിവസത്തേയ്ക്ക് മുട്ടയുടെ വെള്ള തേപ്പിക്കും. മുട്ടയുടെ വെള്ള പതപ്പിച്ചാണ് കുട്ടികളുടെ ശരീരത്തിൽ തേപ്പിക്കുന്നത്. ഇത് ശരീരത്തിലെ മൃതകോശങ്ങൾ നീക്കം ചെയ്യാൻ സഹായിക്കും. എന്നാൽ വേനൽകാലത്ത് മുട്ട തേപ്പിക്കാറില്ല. കൂടാതെ കുഞ്ഞിനെ കുളിപ്പിക്കുമ്പോൾ സോപ്പ് ഉപയോഗിക്കാറില്ല. ചെറുപയർ പൊടിയാണ് തേയ്ക്കുന്നത്. മാത്രമല്ല കുഞ്ഞിനെയും അമ്മയേയും ഇഞ്ച തേപ്പിക്കാറില്ല. ഇഞ്ചയുടെ ചൂട് കുഞ്ഞുങ്ങൾ പറ്റാത്തതു കൊണ്ടാണ് അത് ഒഴിവാക്കുന്നത്.

അമ്മയേയും കുഞ്ഞിനെയും പയറുപൊടി ഉപയോഗിച്ചാണ് കുളിപ്പിക്കാറുള്ളത്. കടയിൽ നിന്നു വാങ്ങാതെ പൊടിപ്പിച്ചെടുക്കുന്ന പയറുപൊടിയാണ് ഉപയോഗിക്കുന്നത്. ത്വക്കിന് നല്ലത് പയറുപൊടിയാണ്. എണ്ണയും കുഴമ്പും ഉപയോഗിക്കുമ്പോളുള്ള മെഴുക്ക്പോകാൻ നല്ലത് പയറുപൊടി തന്നെയാണ്.രാവിലെ പത്തുമണിയോട് അടുപ്പിച്ചാണ് അമ്മയേയും കുഞ്ഞിനേയും കുളിപ്പിക്കുന്നത്. കൂടാതെ പ്രസവശേഷം 90 ദിവസം വരെ വയർ കോട്ടൺ തുണി കൊണ്ട് കെട്ടുന്നത് വയറു കുറയാനും നടുവിന് ബലം കിട്ടാനും സഹായിക്കുമെന്ന് പൊന്നമ്മ ചേച്ചി പറയുന്നു. അമ്മ ഗ്യാസ് ഉണ്ടാകുന്ന ആഹാരങ്ങൾ കഴിച്ചാൽ കുഞ്ഞിനും ഗ്യാസ് ഉണ്ടാകും. അതുകൊണ്ട് തന്നെ അമ്മ കഴിക്കുന്ന ആഹാരസാധനങ്ങളിൽ ശ്രദ്ധ വേണം. ഒരു വീട്ടിലെ തന്നെ ഒന്നിലധികം കുട്ടികളെ ഇവർ കുളിപ്പിക്കാറുണ്ട്. ഒരു കുടുംബത്തിലെ 11 കുട്ടികളെ വരെ കുളിപ്പിച്ചിട്ടുണ്ട്. ചില വീടുകളിൽ മൂന്നു തലമുറ വരെയും കുളിപ്പിച്ചിട്ടുണ്ടെന്ന് പൊന്നമ്മ ചേച്ചി പറയുന്നു.



കുളിപ്പിച്ച കുഞ്ഞുങ്ങൾ അറിവായി വരുമ്പോൾ അമ്മമാർ തന്നെക്കുറിച്ച് പറഞ്ഞു കൊടുക്കാറുണ്ടെന്നും ആ കുഞ്ഞുങ്ങൾ തന്നെ തിരിച്ചറിയുമ്പോൾ വലിയ സന്തോഷം തോന്നാറുണ്ടെന്നും ഇവർ പറയുന്നു. പൊന്നമ്മ ചേച്ചിയുടെ മുത്തശ്ശി പഴയകാലത്ത് പ്രസവം വരെയും എടുക്കുമായിരുന്നു. ആ പാരമ്പര്യമാണ് തനിക്ക് കിട്ടിയത്. വർഷങ്ങൾക്ക് മുമ്പ് ആരോ ഒരാൾ കുഞ്ഞിനെ കുളിപ്പിക്കാൻ സമീപിച്ചപ്പോൾ മുതലാണ് പൊന്നമ്മ ഇതിനെക്കുറിച്ച് ചിന്തിച്ചത് പിന്നെ ആളുകൾ അന്വേഷിച്ച് വരാൻ തുടങ്ങി. ഇപ്പോൾ 25 വർഷമായി സ്ഥിരമായി കുളിപ്പിക്കുന്നു. പൊന്നമ്മയെ ഈശ്വരൻ ഇതിനായി നിയോഗിച്ചതാണെന്നാണ് ആളുകൾ പറയുന്നത്. ചില കുഞ്ഞുങ്ങൾ കുളിപ്പിക്കുമ്പോൾ അവർ തന്റെ മുഖത്തു നോക്കി ചിരിക്കുമെന്ന് പൊന്നമ്മ പറയുന്നു. കുഞ്ഞുങ്ങൾ ദൈവങ്ങളാന്നും മനുഷ്യരല്ലെന്നും താൻ കുളിപ്പിക്കുന്നത് ദൈവങ്ങളെ ആണെന്നുമാണ് പൊന്നമ്മ ചേച്ചി വിശ്വസിക്കുന്നത്.

Content Highlight: ponnamma a kerala village women bathing newborn babies and mothers

---

'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു 'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു

May 11, 2019, 11:01 pm

≫ Next: 'ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്''ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്'

≪ Previous: കാൽ നൂറ്റാണ്ട്, അഞ്ഞൂറിലേറെ കുഞ്ഞുങ്ങളും അമ്മമാരും; ഗിന്നസ് ബുക്കുകാർ കാണുന്നുണ്ടോ ഈ പൊന്നമ്മയെ?കാൽ നൂറ്റാണ്ട്, അഞ്ഞൂറിലേറെ കുഞ്ഞുങ്ങളും അമ്മമാരും; ഗിന്നസ് ബുക്കുകാർ കാണുന്നുണ്ടോ ഈ പൊന്നമ്മയെ?

$

0

0

രക്തബന്ധമാണോ ഏറ്റവും ദൃഢമായ മനുഷ്യബന്ധം? അല്ല എന്നതിന് തെളിവാണ് മേരിയുടെ വീട്ടിലെ നീനുവിന്റെ ജീവിതം. കേരളത്തിൽ റിപ്പോർട്ട്ചെയ്യപ്പെട്ട ആദ്യത്തെ ദുരഭിമാനക്കൊലയുടെ ഇരയായ കെവിന്റെ പ്രണയിനിയായിരുന്ന നീനു ഇന്ന്ജീവിക്കുന്നത് കെവിന്റെ അമ്മയായ മേരിക്കൊപ്പമാണ്. തന്റെ മകന്റെ കൊലപാതകത്തിന് കാരണക്കാരായവരുടെ മകളെ, സഹോദരിയെ അവർ സ്വന്തം മകളെയെന്നപോലെ പോറ്റുന്നു. അവരുടെ സ്നേഹമയമായ ജീവിതത്തിൽ കെവിന്റെ ഓർമകളുടെ പ്രകാശം പരക്കുന്നു

വാടകവീടാണെങ്കിലും ഇതിപ്പോളൊരു സ്നേഹവീടാണ്. ഭൂമിയോളം ക്ഷമയും അലിവുമുള്ള, ഒത്തിരി നന്മയുള്ള ഒരമ്മ പ്രകാശം പരത്തുന്ന വീട്. മൂന്ന് പെണ്ണുങ്ങളും ഒരു പുരുഷനുമാണ് ഈ വീട്ടിൽ പാർക്കുന്നത്. അപ്പൻ, അമ്മ, മകൾ... നാലാമത്തെയാൾ അവരുടെ ആരുമല്ല. അതിനപ്പുറം ഈ വീടിന്റെ വെളിച്ചം ഊതിക്കെടുത്തിയ ഘാതകന്റെ മകളാണവൾ. എന്നിട്ടും ഒരേവീട്ടിൽ അവർ പരസ്പരം സ്നേഹിച്ചും കരുതിയും ചിരിച്ചും നഷ്ടപ്പെട്ടവനെയോർത്ത് വേദനിച്ചും ജീവിക്കുന്നു. കേരളത്തിൽ റിപ്പോർട്ടുചെയ്യപ്പെട്ട ആദ്യത്തെ ദുരഭിമാനക്കൊലയിലെ ബലിയാടായ കോട്ടയം നട്ടാശ്ശേരി പ്ളാത്തറ കെവിന്റെ വീടാണിത്. കഴിഞ്ഞ മേയ് 28-നാണ് കെവിൻ കൊലചെയ്യപ്പെട്ടത്. കേസിന്റെ വിസ്താരം നടന്നുകൊണ്ടിരിക്കുന്നു. പക്ഷേ...
പോയ ജീവനെ തിരിച്ചുപിടിക്കാൻ ആർക്കെങ്കിലും കഴിയുമോ? -കെവിന്റെ അമ്മ മേരി നിറകണ്ണുകളോടെ ചോദിക്കുന്നു.

മേരിയാണ് ഈ വീട്ടിലെ വെളിച്ചം വിതറുന്ന അമ്മ. തന്റെ ആരുമല്ലാത്ത പെൺകുട്ടി എന്നതിനെക്കാൾ ഒരേയൊരു മകനെ മൃഗീയമായി ഇല്ലായ്മ ചെയ്തയാളുടെ മകളാണ്. പക്ഷേ, കഴിഞ്ഞ പതിനൊന്നുമാസത്തിനിടെ ഒരിക്കൽപ്പോലും വാക്കിലോ നോക്കിലോ മേരി അവളെ വേദനിപ്പിച്ചിട്ടില്ല. പകരം നിറഞ്ഞ മനസ്സോടെ അവളെ സ്നേഹിക്കുന്നു, ഒരു വാശിപോലെ. അതിരാവിലെ എണീറ്റ് പഠിക്കുന്ന നീനുവിന് കട്ടൻകാപ്പിയിട്ടുനൽകുന്നു, പ്രാതലൊരുക്കി അവളെ കഴിപ്പിക്കുന്നു. ഉച്ചഭക്ഷണം ചോറ്റുപാത്രത്തിലാക്കി എടുത്തുകൊടുക്കുന്നു. കൊടുംവെയിലാ, കുട മറക്കല്ലേ എന്ന് ഓർമിപ്പിക്കുന്നു. പിന്നെ കോളേജിൽനിന്ന് അവൾ മടങ്ങിവരുവോളം അമ്മമനസ്സിന്റെ ആധിയോടെ വഴിക്കണ്ണുമായി കാത്തിരിക്കുന്നു. ഈ അമ്മയില്ലായിരുന്നെങ്കിൽ ഒരുപക്ഷേ, ഞാൻ ഇന്ന് ഭൂമിയിൽ... മുറിയുന്ന വാക്കുകളെ വിഴുങ്ങിനിന്നു നീനു. ആ ദിവസം ഓർമിക്കാൻ നീനുവിന് ധൈര്യമില്ല. ഇടിത്തീപോലെ തന്റെ ജീവിതത്തിനുമേൽ ദുരന്തംപതിച്ച ദിവസമാണത്.

മേയ് 25-നാണ് ഞാനും കെവിൻചേട്ടനും വിവാഹം രജിസ്റ്റർചെയ്യാൻ മുദ്രപ്പത്രം വാങ്ങിയതും വക്കീലിനെ കണ്ടതും. എന്റെ വിരലിൽ മുറുകെപ്പിടിച്ച് ടെൻഷനടിക്കാതെടോ എന്നുപറഞ്ഞ് ധൈര്യം തന്നയാൾ. പിറ്റേന്ന് രജിസ്റ്റർഓഫീസിൽ ചെന്നപ്പോൾ എനിക്കുംകൂടി അറിയാവുന്ന ആരെയെങ്കിലും കൊണ്ടുവന്നാലേ രജിസ്റ്റർചെയ്യാനാവൂ, ഉത്തരവാദപ്പെട്ട ആരെങ്കിലുമുണ്ടെങ്കിൽ കൂട്ടിവാ എന്നുപറഞ്ഞ് ഞങ്ങളെ മടക്കിയയച്ചു. അന്ന് വിവാഹം രജിസ്റ്റർചെയ്യാനായില്ല. എന്നെ സുരക്ഷിതമായ ഒരിടത്തേക്ക് ആ രാത്രി മാറ്റിനിർത്തി. രാവിലെ നമ്മൾക്കു എല്ലാം ശരിയാക്കി പോയി കല്യാണംകഴിക്കാം പെണ്ണേ എന്നുപറഞ്ഞ് ചിരിച്ചോണ്ട് യാത്രപറഞ്ഞയാളാണ്. പിന്നെ ഞാൻ കാണുന്നത്... നീനു പറഞ്ഞു.

ആ രാത്രി കെവിൻ അമ്മാവന്റെ മകൻ അനീഷിനൊപ്പം മാന്നാനത്തെ വീട്ടിൽ കഴിഞ്ഞുകൂടി. വിവാഹമണിമുഴങ്ങുന്ന ഹൃദയം. സ്നേഹിച്ച പെണ്ണ് പിറ്റേന്ന് ജീവിതത്തിലേക്ക് വന്നെത്തുന്നതിന്റെ ത്രില്ല്. വീട്ടുകാർ നീനുവിന് വേറെ വിവാഹം ആലോചിക്കുന്നതിനാൽ മറ്റാർക്കും അവളെ വിട്ടുകൊടുക്കാതിരിക്കാൻ രജിസ്റ്റർവിവാഹത്തിന് ഒരുങ്ങുകയായിരുന്നു കെവിൻ. സ്വന്തമായൊരു കിടപ്പാടം ഇല്ലാതിരുന്നിട്ടും സാമ്പത്തികമായി പിന്നിലായിട്ടും സ്നേഹിക്കുന്ന പെണ്ണിനെ തന്നിൽനിന്ന് അടർത്തിമാറ്റാതിരിക്കാൻ 23-ാം വയസ്സിൽ അവൻ വിവാഹത്തിന് ഒരുങ്ങുകയായിരുന്നു.
നീനുവിനും ഉറക്കം അകലെയായിരുന്നു. അപ്പനെയും അമ്മയെയും സഹോദരനെയും ധിക്കരിച്ചുള്ള വിവാഹമാണ്. എന്നാലും തന്നെ ജീവനെപ്പോലെ സ്നേഹിക്കുന്ന ഒരാളിന്റെ കൈപിടിച്ചല്ലേ ഇറങ്ങിപ്പോകുന്നത്. ഓരോന്നോർത്ത് പെരുമ്പറകൊട്ടുന്ന മനസ്സോടെ, ഉറക്കംവരാതെ അവളും പുലരാൻ കാത്തുകിടന്നു. പാതിരാത്രി കഴിഞ്ഞപ്പോഴാണ് എല്ലാം മാറിമറിഞ്ഞത്. അവരുടെ സ്വപ്നങ്ങളെ തരിപ്പണമാക്കി അക്രമിസംഘത്തിന്റെ അഴിഞ്ഞാട്ടം. മാന്നാനത്തെത്തിയ അക്രമികൾ വീടുതകർത്ത് കെവിനെയും അനീഷിനെയും തട്ടിക്കൊണ്ടുപോയി. ആ നിമിഷത്തിലാണ് നീനുവിന്റെ ജീവിതത്തിനുമേൽ തീമഴപെയ്തിറങ്ങിയത്.

അതിനുമുമ്പ് രണ്ടുദിവസമായി അവളുടെ ജീവിതം അഗ്നിപർവതത്തിനുമുകളിലായിരുന്നു. നീനുവിനെ കാണാനില്ലെന്ന് മാതാപിതാക്കൾ പരാതി നൽകിയതിനെത്തുടർന്ന്് സ്റ്റേഷനിലെത്തിയപ്പോഴുണ്ടായ സംഭവവികാസങ്ങൾ... കെവിന്റെയൊപ്പം ഗാന്ധിനഗർ പോലീസ് സ്റ്റേഷനിലെത്തിയ അവളുടെ കൺമുന്നിൽവെച്ചാണ് കെവിനെ എസ്.ഐ. കഴുത്തിൽപ്പിടിച്ച് തള്ളിയത്, ഒരുമിച്ചുജീവിക്കാൻ അനുവദിക്കില്ലെന്ന് അപ്പൻ ചാക്കോ ആക്രോശിച്ചത്, സ്റ്റേഷനിൽ പോലീസുകാരുടെ കൺമുന്നിൽ?െവച്ച് മാതാപിതാക്കൾ ബലമായി പിടിച്ചുകൊണ്ടുപോകാൻ ശ്രമിച്ചത്... കെവിനെയും അനീഷിനെയും തന്റെ ബന്ധുക്കളുൾപ്പെട്ട സംഘം തട്ടിക്കൊണ്ടുപോയതറിഞ്ഞ് ഗാന്ധിനഗർ പോലീസ്സ്റ്റേഷനിൽ പിറ്റേന്നുരാവിലെ കെവിന്റെ അപ്പനുമൊത്ത് വേവലാതിയോടെ കാത്തുനിന്ന മണിക്കൂറുകൾ. നേരിട്ട അപമാനങ്ങൾ... സ്വന്തം സഹോദരൻ ഉൾപ്പെട്ട ഗുണ്ടകളുടെ കൈയിൽ കെവിന്റെ ജീവന് എന്തും സംഭവിക്കാമെന്ന് അറിയാവുന്ന നീനു പോലീസുകാരുടെ കാലുപിടിച്ചുപറഞ്ഞിട്ടും ആർക്കും ദയയുണ്ടായില്ല.

അടുത്തദിവസം ഈ പെൺകുട്ടിയുടെ കണ്ണീർമുഖം നാം ഉൾക്കിടിലത്തോടെ ചാനലുകളിലും പത്രങ്ങളിലും കണ്ടിരുന്നു. അവളെ ചേർത്തുപിടിച്ച് മകന്റെ ജീവനറ്റ ശരീരത്തിനരികിൽ നിൽക്കുന്ന അപ്പൻ ജോസഫിനെ, ബോധമറ്റുവീണ അമ്മയെ, സഹോദരിയെ... ശരീരമാസകലം മുറിവേറ്റ് സ്നേഹത്തിന്റെ ബാക്കിപത്രമായി അവൻ കിടന്നു. നടപടിക്രമങ്ങളെല്ലാം പൂർത്തിയാക്കി പോസ്റ്റുമോർട്ടം നടത്തിയ ശരീരം 29-ന് രാവിലെയാണ് വീട്ടിൽ കൊണ്ടുവരുന്നത്. അതിനുമുമ്പായി നീനുവിനെ ആശുപത്രിയിൽനിന്ന് വീട്ടിലെത്തിച്ചു. ശവസംസ്കാരം നടന്നുകഴിഞ്ഞ് ദിവസങ്ങൾ കഴിഞ്ഞതോടെ വീട് ശൂന്യമായി. വല്ലപ്പോഴും വന്നെത്തുന്ന സന്ദർശകർ മാത്രമായി. ചോദ്യചിഹ്നംപോലൊരു പെൺകുട്ടി കരഞ്ഞുതളർന്ന് ഉൾമുറിയിൽ കിടന്നു.

പോകാൻ മറ്റൊരു ഇടമില്ലാത്തതുകൊണ്ടാണോ നീനു ഇവിടെ തുടർന്നത്?

എനിക്കറിയാം ഞാനീ വീട്ടിൽ ആരുമല്ലെന്ന്. കെവിൻചേട്ടൻ എന്റെ കഴുത്തിൽ മിന്നുകെട്ടിയില്ല, വിവാഹമോതിരം അണിയിച്ചില്ല, രജിസ്റ്റർഓഫീസിൽ ചെന്നിട്ടും വിവാഹം കഴിക്കാനാവാതെ വിധി മടക്കിയയച്ചവരാണ്. നിയമപ്രകാരം ഒരു രേഖയുമില്ലാത്ത വധുവാണ് ഞാൻ. പക്ഷേ, എന്റെ പ്രാണൻ ഇവിടെയാണ്. എന്നെ ഒരുപാട് സ്നേഹിച്ച ഒരാൾ ഇവിടെ ജീവിച്ചതല്ലേ. ഹൃദയംകൊണ്ട് ഞങ്ങൾ വിവാഹിതരായവരാണ്. കെവിൻ ചേട്ടന്റെ മുറി, വസ്ത്രങ്ങൾ, ചേച്ചി, മാതാപിതാക്കൾ... ഇതൊക്കെ ആ സാന്നിധ്യം ഓർമിപ്പിക്കുകയാണ്. ഇതൊക്കെവിട്ട് ഞാനെ വിടെ പോകും -ഓർമയിൽ മുഴുകി നീനു പറഞ്ഞുകൊണ്ടിരുന്നു.

അവൾക്ക് ഇഷ്ടമുള്ള കാലത്തോളം ഇവിടെ കഴിയട്ടെ, പഠിക്കട്ടെ. എന്റെ മകൻ സ്നേഹിച്ച പെണ്ണല്ലേ. ജീവൻപോകുമെന്നുറപ്പായിട്ടും മറക്കാൻപറ്റില്ലെന്ന് അവൻ പറഞ്ഞ പെണ്ണ്. അവളെ തള്ളിക്കളയാൻ ഞങ്ങൾക്കാവില്ല -മേരി അലിവോടെ പറഞ്ഞു. നീനുവും കെവിനും പരിചയപ്പെട്ടത് സുഹൃത്തുക്കൾവഴിയായിരുന്നു. എപ്പോഴും ശോകംനിറഞ്ഞ നീനുവിന്റെ മുഖം കണ്ടാണ് കെവിൻ കാര്യങ്ങൾ ചോദിച്ചറിഞ്ഞത്. അതവനെ തകർത്തുകളഞ്ഞു. മാതാപിതാക്കൾ തമ്മിലുള്ള സ്വരച്ചേർച്ചക്കേടും കലഹവും നിത്യസംഭവം. ഇടയ്ക്ക് തടസ്സംപിടിക്കാനെത്തുന്ന നീനുവിന് കിട്ടുന്നത് പൊതിരെ തല്ല്. ഒരിക്കൽ മൂക്കിന് ടോർച്ചുകൊണ്ടുള്ള അപ്പന്റെ അടിയേറ്റ് ബോധരഹിതയായി. ആന്റിനയുടെ കമ്പി പഴുപ്പിച്ച് ശരീരം പൊള്ളിച്ചതിന്റെ പാട് അവൾ കോടതിയിലും കാണിച്ചുകൊടുത്തു. മർദനമേൽക്കുമ്പോൾ കരഞ്ഞാൽ അമ്മ വായിൽ തുണി തിരുകുകയും മുളകുപൊടി വിതറുകയും ചെയ്തിരുന്നു. അവധിദിനങ്ങളിൽ ഹോസ്റ്റലിൽനിന്ന് വീട്ടിലേക്കുപോകാൻ നീനു ഇഷ്ടപ്പെട്ടിരുന്നില്ല. തികച്ചും ഒറ്റപ്പെട്ട ജീവിതം. സ്നേഹിക്കാൻ ആരുമില്ലാതിരുന്ന ആ ദിവസങ്ങളിലേക്കാണ് കരുണയുള്ള മനസ്സുമായി കെവിന്റെ വരവ്. മനസ്സിന്റെ മുറിവുകളിൽ സ്നേഹത്തിന്റെ മുറിവെണ്ണതൂവിയ കെവിനെ ഇഷ്ടപ്പെട്ടുതുടങ്ങിയത് അങ്ങനെയാണ്. കെവിൻചേട്ടന്റെ ജാതി ഞാൻ ചോദിച്ചില്ല. പണമുണ്ടോയെന്നും തിരക്കിയില്ല. ഞങ്ങൾക്കിടയിൽ സ്നേഹംമാത്രമേ ഉണ്ടായിരുന്നുള്ളൂ.

അന്ന് രണ്ടാംവർഷ ജിയോളജി വിദ്യാർഥിനിയായിരുന്ന നീനു കെവിന്റെ മരണത്തിനുശേഷം ആഴ്ചകൾ കഴിഞ്ഞാണ് കോളേജിൽ പോയിത്തുടങ്ങിയത്. കൂട്ടുകാരുടെയും അധ്യാപകരുടെയും സ്നേഹവലയത്തിലായിരുന്നു അവളുടെ തുടർജീവിതം. നഷ്ടപ്പെട്ട പാഠഭാഗങ്ങൾ കൂട്ടുകാർ മത്സരിച്ച് പറഞ്ഞുകൊടുത്തു. പുനലൂർ തെൻമല സ്വദേശിയായ നീനു കോട്ടയത്ത് ഹോസ്റ്റലിൽ താമസിച്ചായിരുന്നു പഠനം. ഹോസ്റ്റൽ ചെലവടക്കം സർക്കാർ വഹിക്കാമെന്നറിയിച്ചിട്ടും കെവിന്റെ വീട്ടിൽ താമസിക്കാൻ അവൾ ഹോസ്റ്റൽ ഒഴിവാക്കി. കെവിന്റെ അച്ഛൻ ജോസഫാണ് ബൈക്കിൽ അവളെ കോളേജിൽ കൊണ്ടുവിട്ടിരുന്നത്. വീട്ടിൽ കൂട്ടിന് കെവിന്റെ ചേച്ചിയുണ്ട്. ബിരുദാനന്തരബിരുദമുള്ള ചേച്ചി കൃപ കോട്ടയം മെഡിക്കൽ കോളേജിൽ താത്കാലിക ജീവനക്കാരിയാണിപ്പോൾ.

നന്നേ ചെറിയൊരു ടൂവീലർ വർക്ക്ഷോപ്പാണ് ജോസഫിന്റെ വരുമാനമാർഗം. ഞാനൊന്നും സമ്പാദിച്ചില്ല. മക്കളെ രണ്ടാളെയും നന്നായി പഠിപ്പിച്ചു. അവൻ നന്നായാൽ നമ്മൾക്കെല്ലാമായി എന്നാണ് ഞാൻ ഭാര്യയോട് പറഞ്ഞിരുന്നത്. അവൻ ഗൾഫിൽ പോയപ്പോൾ ഒരുപാട് സന്തോഷിച്ചു. സ്ഥലം വാങ്ങണം, വീടുണ്ടാക്കണം, പെങ്ങളെ കല്യാണം കഴിപ്പിക്കണം... ഇതൊക്കെയായിരുന്നു അവന്റെ സ്വപ്നങ്ങൾ. ഒരാളെ സ്നേഹിച്ചുപോയെന്ന തെറ്റിന് എന്തിനായിരുന്നു ഇങ്ങനെ എന്റെ കുഞ്ഞിനെ കൊലചെയ്തത്? ജോസഫിന്റെ ചോദ്യം സമൂഹത്തോടുകൂടിയാണ്.

സർക്കാർ നൽകിയ രൂപകൊടുത്ത് ജോസഫ് അടുത്തിടെ നാലുസെന്റ് സ്ഥലംവാങ്ങി. ഇനി അവിടൊരു വീടുെവക്കണം. ഒറ്റയ്ക്ക് തുഴയുന്ന ജോസഫിന്റെ വരുമാനംകൊണ്ട് അതിനൊന്നും പറ്റില്ല. നീനു ഇങ്ങനെ എത്രനാൾ? നാട്ടുകാരുടെയും കൂട്ടുകാരുടെയും ചോദ്യമുയരുമ്പോൾ നീനു സമചിത്തതയോടെ ചെറുതായി ചിരിക്കും. വലിയൊരു ലക്ഷ്യത്തിനുപിന്നാലെയാണ് അവളിപ്പോൾ.

ഡിഗ്രി പരീക്ഷകഴിഞ്ഞു. നന്നായി എഴുതിയിട്ടുണ്ട്. റിസൾട്ടുവരട്ടെ. എം.എസ്സി.ക്ക് ചേരണം. എൻട്രൻസ് എക്സാം എഴുതിയിട്ടുണ്ട്. എനിക്ക് ഇനിയും പഠിക്കണം. നല്ലൊരു ജോലി വേണം. ഇവിടത്തെ അച്ചയെയും അമ്മയെയും ചേച്ചിയെയും സഹായിക്കണം. കെവിൻചേട്ടൻ അവർക്കുവേണ്ടി കണ്ട സ്വപ്നങ്ങൾ എന്നോട് പറഞ്ഞിട്ടുണ്ട്. എന്നാലാവുംവിധം അതുചെയ്യണം. അതെന്റെ കടമയാണ്. ഇവരുള്ളപ്പോൾ എനിക്കാരുമില്ലെന്ന തോന്നലില്ല. ഈ അമ്മയുടെ മരുമകളായി സ്വപ്നംകണ്ടിരുന്നതാണ് ഞാൻ. പക്ഷേ, ഇപ്പം ഞാനവർക്ക് മകളാണ്. ഇതുപോലൊരു അച്ഛനും അമ്മയും ഭാഗ്യമാണ്. പക്ഷേ, ഇതൊന്നും കാണേണ്ടയാൾ ഒപ്പമില്ലാതായിപ്പോയി... -നീനു നഷ്ടബോധത്തോടെ പറഞ്ഞു.

മേരിക്കെങ്ങനെ കഴിയുന്നു, നീനുവിനെ ഇങ്ങനെ സ്നേഹിക്കാൻ?

അവർക്ക് ഇത്തിരിനേരം മിണ്ടാനായില്ല. പിന്നെ കണ്ണുതുടച്ച് പറഞ്ഞു: എന്നെ യേശു പഠിപ്പിച്ചതങ്ങനെയാണ്. എന്റെ കുഞ്ഞിനെ ഇല്ലാതാക്കിയവരെ വെറുക്കാനെനിക്ക് എളുപ്പം കഴിയും. അവരെ സ്നേഹിക്കാൻ ഇത്തിരി പാടാണ്. ഇതെന്റെ വിധിയാണ്. മരണംവരെ അവനെയോർത്ത് കണ്ണീരൊഴുക്കാനാണ് ദൈവം വിധിച്ചത്. എന്റെ കുഞ്ഞിനെ കൊന്നവന്റെ മകളായി ഇവളെ ഞാൻ ഇന്നുവരെ ചിന്തിച്ചിട്ടില്ല. ഇവിടെ ഞങ്ങൾക്കുള്ളതിന്റെ ഒരു പങ്ക് അവൾക്കുമുണ്ട്. പകരത്തിനുപകരം ചെയ്യാൻ നമ്മൾക്ക് എന്തവകാശം?

Content Highlights: Mothers Day 2019, Kevins mother Mary, Neenu Chacko

'ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്''ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്'

May 11, 2019, 11:32 pm

≫ Next: അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം

≪ Previous: 'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു 'ഈ അമ്മയില്ലായിരുന്നെങ്കില്‍ ഒരുപക്ഷേ, ഞാന്‍ ഇന്ന് ഭൂമിയില്‍...'' മുറിയുന്ന വാക്കുകളുമായി നീനു

$

0

0

പ്രളയദിനത്തിൽ പ്രായമേറിയവർക്ക് ബോട്ടിൽ കയറാൻ മുതുക് ചവിട്ടുപടിയാക്കി നൽകിയ ജെയ്സലിന്റെ ഉമ്മസൈനബമകനെപ്പറ്റി പറയുന്നു

''ആളുകൾക്ക് ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്. ന്റെ കുട്ടിക്ക് വേദനിക്കൂലേന്ന് ബിചാരിച്ചിട്ട്. പിന്നെ അതിന്റെ പേരില് എല്ലാരും ഓനെ പൊകഴ്ത്തിപ്പറയണത് കേട്ടപ്പൊ പെരുത്ത് സന്തോഷം തോന്നി. ഓന്റെ ഉമ്മയാവാൻ പറ്റിയതില് പടച്ചോനോട് നന്ദിയ്ണ്ട്.

ഓടിനടക്കാൻ തൊടങ്ങ്യേ മുതല് ഞാൻ മക്കളോട് പറയാറ്ണ്ട്, ആരെന്തുസഹായം ചോയിച്ചാലും മക്കള് ചെയ്ത് കൊടുക്കണം. ഞാമ്പറഞ്ഞിട്ട് ആ പഹയൻ അത് ചെയ്തുതന്നില്ലാന്ന് ന്റെ മക്കളെക്കുറിച്ച് ആരും പറയര്ത്. ജെയ്സല് ചെറുപ്പം മൊതലേ അയൽവാസികൾക്കൊക്കെ പല സഹായോം ചെയ്ത് കൊട്ക്കും. കടപ്പൊറത്ത്ന്ന് മണല് വാരിക്കൊടുക്കല്, പ്രായമായോര്ക്ക് കടേന്ന് സാധനങ്ങൾ വാങ്ങിക്കൊട്ക്കല്... അങ്ങനെ പലതും.

ഒന്നിനും കൂലി വാങ്ങൂലാ. നല്ല കാര്യങ്ങൾ ചെയ്യണേന് പടച്ചോൻ കൂലി തരുംന്നാ ന്റെ വിശ്വാസം, ആ വിശ്വാസം ഓനൂണ്ട്. ഇപ്പൊ ഓന് നല്ലൊരു വീട് കിട്ടീലേ, ആൾക്കാരൊക്കെ നല്ലത് പറയാൻ തൊടങ്ങീലേ, അത് പടച്ചോന്റെ അനുഗ്രഹാ... ഉമ്മയുണ്ടായതോണ്ടല്ലേ ഇപ്പൊ ആളുകളറിയുന്ന ഈ ജെയ്സൽ ഉണ്ടായത് ന്ന് ഓൻപറഞ്ഞപ്പൊ ബല്യേ സന്തോഷംതോന്നി.

Content Highlights: Mothers Day 2019, Jaisals Mother,Jaisal Who Offered His Back To Help Flood Victims

അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം

May 11, 2019, 11:37 pm

≫ Next: അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?

≪ Previous: 'ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്''ചവിട്ടിക്കേറാൻ ഓൻ പൊറം കാണിച്ചുകൊട്ക്കണത് കണ്ടിട്ട് എനിക്ക് ഭയങ്കര വെഷമം തോന്നീർന്ന്'

$

0

0

കോട്ടയം: അമ്പത് വർഷമായി കിടങ്ങൂർ കറുകശേരിൽ വീട്ടിൽ കാർത്യായനിയമ്മയെ തേടി ഭർത്താവിന്റെ പെൻഷൻ എത്തുന്നു. ഇക്കുറി പെൻഷൻ എത്തുമ്പോൾ കൊച്ചുമകളും കോട്ടയം നഗരസഭാ കൗൺസിലറുമായ മീരാ ബാലു ചോദിച്ചു..അമ്മമ്മാ എനിക്ക് തരുമോ ഈ പൈസ. ഒരുനിമിഷം ഒന്നും മിണ്ടിയില്ല കാർത്യായനിയമ്മ. പിന്നെ ചിരിച്ചു. എന്റെ പൈസ നിനക്കെന്തിനെന്ന മട്ടിൽ പണം എണ്ണിത്തിട്ടപ്പെടുത്തി ഒപ്പംതാമസിക്കുന്ന മകൻ ഗോപിനാഥനെ ഏൽപ്പിച്ചു. ഒരു വർഷം മുമ്പ് വരെ സ്വന്തം കാര്യം മാത്രമല്ല വീട്ടിലെ അടുക്കളപ്പണിയിൽവരെ അമ്മയുടെ ഇടപെടലുണ്ടായിരുന്നെന്ന് മകൻ ഗോപിനാഥന്റെ ഭാര്യ സൗദാമിനി പറയുന്നു.

ഇപ്പോൾ കേഴ്വിക്ക് അല്പം കുറവുണ്ട്. ആഹാരം എല്ലാം കഴിക്കുമായിരുന്നു. ഇപ്പോൾ രാവിലെയും നാലുമണിക്കും മുട്ട പുഴങ്ങിയതും പാലും മാത്രം. ചോറ് മാത്രം വേണ്ട. ഉച്ചയ്ക്ക് കറികൾ മാത്രം കഴിക്കും. ചിക്കനും മീൻ കറിയുമൊക്കെ കഴിക്കാൻ ഇഷ്ടമാണ്.

മകരമാസത്തിൽ ചതയം നാളിൽ ജനിച്ച കാർത്യായനിയമ്മയ്ക്ക് അടുത്ത പിറന്നാളിന് വയസ്സ് 103 തികയും. തന്നിലൂടെ അഞ്ചാം തലമുറയിൽ എത്തിനിൽക്കുന്നത് കാണുമ്പോൾ എല്ലാം ദൈവനിശ്ചയമെന്ന് പറയും ഈ അമ്മ. നൂറ്റിമൂന്നിലേക്ക് കാൽവെയ്പ് നടത്തുന്നതിന്റെ രഹസ്യമെന്തെന്ന് ചോദിച്ചാൽ വിടർന്ന് ചിരിക്കും. ഈ ആരോഗ്യത്തിന്റെ രഹസ്യം ചിട്ടയായ ജീവിതമാണെന്ന് അമ്മ പറയുമെന്ന് മകൻ ഗോപിനാഥൻ.ആരോടും ശത്രുതയില്ല ആയകാലത്ത് നന്നായി അധ്വാനിച്ചു. പശുവിനെ വളർത്തി. അച്ഛന്റെ മരണശേഷം ധൈര്യമായിനിന്ന് ഞങ്ങൾ മക്കളെ വളർത്തി.

45 കൊല്ലം മുമ്പ് ഭർത്താവ് എക്സൈസ് വകുപ്പിന്റെ പ്രിവന്റീവ് ഉദ്യോഗസ്ഥനായ ഭർത്താവ് കെ.ഐ. പണിക്കർ മരിക്കുമ്പോൾ ആറുമക്കളും പഠിക്കുന്നതേയുള്ളൂ. അന്നൊക്കെ ബുദ്ധിമുട്ടുകൾ വന്നിട്ടും മക്കളുടെ വിദ്യാഭ്യാസ കാര്യത്തിൽ അമ്മ പിന്നാക്കം പോയില്ല. ആറുമക്കളിൽ അഞ്ചുപേരും ഉദ്യോഗസ്ഥരായി. മൂത്തമകൾ കെ.പി. സരളാദേവിക്ക് എൺപത് വയസ്സായി. സരളയുടെ മകൾ മീരാ ബാലു, കൊച്ചുമകൾ അലീന, അലീനയുടെ മകൾ അശ്വിതയിൽ എത്തിനിൽക്കുന്നു അമ്മയ്ക്ക് ശേഷമുള്ള അഞ്ചാം തലമുറ.

ഒരിക്കൽ പുണെയിലുള്ള ഇളയമകൻ എൻജിനീയർ കെ.പി. രാജന്റെ വീട്ടിലേക്ക് വിമാനത്തിൽ പോയിവന്നപ്പോൾ മക്കളോട് പറഞ്ഞു.യാത്ര ചെയ്യണമെങ്കിൽ അത് വിമാനത്തിൽ വേണംഅതുകൊണ്ട് കൊച്ചുമക്കൾ അടക്കം എല്ലാവരും ഇപ്പോഴും ചോദിക്കും.

അമ്മമ്മ വിമാനത്തിലൊന്ന് പോയാലോ..ഓ എനിക്കപ്പോൾ അതിനുള്ള ആരോഗ്യമില്ലഅവർ മറുപടി പറഞ്ഞു. ദൈവഭക്തയായ ഈ അമ്മ ഇന്നും പെൻഷൻ എത്തുമ്പോൾ മകൻ ഗോപിയോട് പറയും.ഒരുതുക മാറ്റിവെച്ചേക്കൂ. അമ്പലത്തിൽ എണ്ണ ഒഴിക്കണം.

Content Highlights: Mothers day 2019

അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?

May 12, 2019, 12:27 am

≫ Next: മാതൃദിന ആശംസകളുമായി താരസുന്ദരികള്‍ മാതൃദിന ആശംസകളുമായി താരസുന്ദരികള്‍

≪ Previous: അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം അഞ്ച് തലമുറയ്‌ക്കൊപ്പം 103ല്‍ കാര്‍ത്യായനിയമ്മയുടെ ജീവിതം

$

0

0

കേരള സർവകലാശാല കലോത്സവത്തിൽ മിമിക്രിയിൽ ഒന്നാംസ്ഥാനം കിട്ടിയപ്പോൾ പലരും ചോദിച്ചു. നിനക്ക് ഈ ഹാസ്യം എവിടെനിന്ന് കിട്ടി. അച്ഛൻ ഒ. മാധവനെ എല്ലാവർക്കും അറിയാം. നാടകത്തിൽ സീരിയസ് വേഷങ്ങളിൽമാത്രം അഭിനയിക്കുന്ന നടൻ. ബോയിങ് ബോയിങ് പോലെയുള്ള സിനിമകളിൽ ഹാസ്യം കൈകാര്യംചെയ്തപ്പോഴും ആളുകൾ ഇതേ ചോദ്യം ആവർത്തിച്ചു. ഇതിന് ഒരു ഉത്തരമേയുള്ളൂ. എന്റെ അമ്മ അഭിനയിക്കുന്ന നാടകങ്ങൾ കണ്ടുനോക്കണം. സ്വതസ്സിദ്ധമായ ശൈലിയിൽ തമാശ കൈകാര്യംചെയ്യുന്നതിൽ അമ്മയെ വെല്ലാൻ മറ്റൊരു നടി ഉണ്ടാവില്ല. അമ്മയിൽനിന്നുതന്നെയാണ് ഈ കഴിവ് കിട്ടിയത് -നടനും എം.എൽ.എ.യുമായ മുകേഷ് പറയുന്നു. ഇത് മനസ്സിലാക്കിയാണ് അമ്മയെ രഞ്ജിത്ത് നന്ദനത്തിലും മിഴിരണ്ടിലും അഭിനയിപ്പിച്ചത്. അമ്മയുടെ ഊർജം, ആത്മവിശ്വാസം, മണ്ടത്തരം ഇതെല്ലാം തന്നെ എന്നും അദ്ഭുതപ്പെടുത്തുന്നു.

അച്ഛൻ നാടകനടൻ, സംവിധായകൻ, രാഷ്ട്രീയപ്രവർത്തകൻ, പഞ്ചായത്ത് പ്രസിഡന്റ് ഇങ്ങനെ വിവിധ മേഖലകളിൽ പ്രവർത്തിച്ചിരുന്ന ആളാണ്. എന്നാൽ, അമ്മയ്ക്ക് നാടകവേദികളും ഡയലോഗുകളും അല്ലാതെ ഈ ലോകത്തെക്കുറിച്ച് മറ്റൊന്നും അറിയില്ല. നാടകത്തിൽ ഇംഗ്ലീഷിലും ഹിന്ദിയിലും സാഹിത്യഭാഷയിലും ഒക്കെയുള്ള ഡയലോഗുകൾ ആത്മാർഥമായി അഭിനയിച്ചുഫലിപ്പിക്കുന്നത് കാണുമ്പോൾ എന്റെ അമ്മ തന്നെയാണോ ഈ പറയുന്നതെന്ന് ഞാൻ അദ്ഭുതപ്പെട്ടുപോയിട്ടുണ്ട്. ഡയലോഗുകളുടെ അർഥവ്യാപ്തിയോ ചിന്തയോ ഒന്നുംഅറിയാതെയാണ് അത് വളരെ സ്വാഭാവികമായി അവതരിപ്പിക്കാൻ അമ്മയ്ക്ക് കഴിയുന്നത് .

ഗംഭീരമായ മണ്ടത്തരങ്ങൾ കാണിക്കുന്ന ആൾകൂടിയാണ് എന്റെ അമ്മ. കുറച്ചുകാലംമുമ്പ് അനിയത്തി സന്ധ്യാ രാജേന്ദ്രൻ ടൗണിൽ നിൽക്കുമ്പോൾ മൊബൈൽ ഫോണിൽ അമ്മയുടെ വിളി -സന്ധ്യേ നീ ഫോൺ എടുത്തിട്ടുണ്ടോ. ഇല്ലമ്മേ ഞാൻ എടുത്തില്ല എന്ന് അനിയത്തിയുടെ കുസൃതികലർന്ന മറുപടി. നിന്നോട് ഞാൻ പലപ്രാവശ്യം പറഞ്ഞിട്ടില്ലേ. പുറത്തുപോകുമ്പോൾ ഫോൺ എടുത്തുകൊണ്ടുപോകണമെന്ന്. നീ വേഗം വീട്ടിലോട്ട് വാ, എനിക്ക് അത്യാവശ്യമായിട്ട് ഒരുകാര്യം പറയാനുണ്ട് -ഇതാണ് അമ്മ. ഇങ്ങനെ അദ്ഭുതപ്പെടുത്തുന്ന മണ്ടത്തരങ്ങളും അമ്മയുടെ കൈവശമുണ്ട് .

മുമ്പൊരിക്കൽ നാടകത്തിന്റെ വാൻ കള്ളുഷാപ്പിനുമുന്നിലുള്ള റോഡിൽ നിർത്തിയിട്ട് ഒരാളെ കാത്തുകിടക്കുകയാണ്. ഷാപ്പിലെ ബോർഡിൽ കള്ള് എന്നതിനുതാഴെ ഇംഗ്ലീഷിൽ ടോഡി എന്നും എഴുതിയിട്ടുണ്ട്. വണ്ടിയിലിരുന്ന് അമ്മ വായിച്ചത് ഇങ്ങനെ: കള്ള് ടുഡേ. ഇന്നത്തെ കള്ളാണെന്ന് എഴുതിയിരിക്കുകയാ. നല്ലതായിരിക്കുമെന്ന് -നിഷ്കളങ്കമായ ഈ ഡയലോഗ് ഉറക്കെയാണ് പറയുന്നത്. വാനിലുള്ളവർ മുഴുവൻ ചിരിച്ചുമറിഞ്ഞു. പക്ഷേ, വേദിയിൽ അന്ന് അമ്മ ജഡ്ജിയാണ്.

ഇപ്പോൾ അമ്മയ്ക്ക് നടക്കാൻ ബുദ്ധിമുട്ടുണ്ട്. ചെറിയ തലകറക്കമുണ്ട്. പക്ഷേ, ഏതെങ്കിലും സിനിമയിൽ ഒരു ചെറിയ വേഷം ഉണ്ടെന്നോ ഏതെങ്കിലുമൊരു യോഗത്തിൽ പങ്കെടുക്കണമെന്നോ പറഞ്ഞ് ആരെങ്കിലുംവന്നാൽ അമ്മ അപ്പോൾ റെഡിയാണ്. ട്രെയിനിലായാലും ടാക്സിയിലായാലും എവിടെ പോകാനും തയ്യാർ. ആ തലമുറയുടെ ചിന്ത അതായിരുന്നു. നമ്മളെ ആവശ്യമുള്ള സ്ഥലത്ത് നമ്മൾ എത്തുകതന്നെ വേണമെന്ന ചിന്ത.

കഴിഞ്ഞമാസം ബന്ധുവിന്റെ കല്യാണവിരുന്ന് അസമിൽ നടന്നിരുന്നു. ക്ഷണിക്കാൻ വന്നപ്പോൾ പോകാൻ ആദ്യംതന്നെ തയ്യാറായത് അമ്മയാണ്. ദൂരമാണ്. വിമാനത്തിൽ കൊൽക്കത്തയിൽ ഇറങ്ങണം. അവിടെനിന്ന് ഗുവാഹാട്ടിയിൽ പോകണം. പിന്നീട് ടാക്സിയിൽ രണ്ടുമണിക്കൂർ യാത്രചെയ്യണം എന്നൊക്കെ പറഞ്ഞ് പിന്തിരിപ്പിക്കാൻ ശ്രമിച്ചു. എ.സി.യും ഒന്നുമില്ലാത്ത ഒരു കുടുസ്സുവാനിൽ 40-45 വർഷം വിശ്രമമില്ലാതെ യാത്രചെയ്തിട്ടുള്ള ആളാണ് ഞാൻ. എനിക്കാണോ യാത്രചെയ്യാൻ പ്രയാസം -അമ്മ എന്നെ പരിഹസിച്ചു.

സ്ത്രീശാക്തീകരണത്തിനുവേണ്ടി മുന്നിട്ടിറങ്ങുന്നവരോട് എനിക്കുപറയാനുള്ളത്, എന്റെ വീട്ടിൽ ഒരാൾ ഉണ്ട്. വന്നുകണ്ടിട്ട് പോകൂ എന്നാണ്. അമ്മ എട്ടാംക്ലാസിൽ പഠിക്കുമ്പോൾ എതിർക്കാൻവന്നവരെ നോക്കി അമ്മൂമ്മ കൈയിൽ വെട്ടുകത്തിയെടുത്ത് എന്റെ മകൾ അഭിനയിക്കുമെന്നുപ്രഖ്യാപിച്ച് കെ.പി.എ.സി.യുടെ വാനിൽ കയറ്റിവിട്ടതാണ്. ഇക്കാലമത്രയും അമ്മ അഭിനയിച്ചു. ഇപ്പോഴും അഭിനയിച്ചുകൊണ്ടിരിക്കുന്നു. സ്ത്രീകൾക്ക് ജോലിചെയ്യാനുള്ള സ്വാതന്ത്ര്യത്തിന്റെ ജീവിക്കുന്ന പ്രതീകമാണ് എന്റെ അമ്മ -മുകേഷ് പറഞ്ഞു.

Content Highlights: Mothers Day 2019, Mukesh And Mother

മാതൃദിന ആശംസകളുമായി താരസുന്ദരികള്‍ മാതൃദിന ആശംസകളുമായി താരസുന്ദരികള്‍

May 12, 2019, 12:58 am

≫ Next: പൂര്‍ണേന്ദുമുഖിപൂര്‍ണേന്ദുമുഖി

≪ Previous: അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?അനിയത്തി ടൗണില്‍ നില്‍ക്കുമ്പോള്‍ മൊബൈല്‍ ഫോണില്‍ അമ്മയുടെ വിളി, സന്ധ്യേ നീ ഫോണ്‍ എടുത്തിട്ടുണ്ടോ?

$

0

0

അമ്മമാർക്ക് മാതൃദിന ആശംസകളുമായി താരങ്ങൾ. സാമൂഹിക മാധ്യമങ്ങളിൽ അമ്മയ്ക്കൊപ്പമുളള ചിത്രം പങ്കുവെച്ചാണ് തങ്ങളുടെ ജീവിതത്തിന്റെ നെടുംതൂണായ അമ്മമാർക്ക് ആശംകസകളേകിയിരിക്കുന്നത്.

അമ്മ ശ്രീദേവിക്കൊപ്പമുള്ള കുട്ടിക്കാലത്തെ അതിമനോഹരമായ ഒരു ചിത്രമാണ് ജാൻവി കപൂർ പങ്കുവെച്ചിരിക്കുന്നത്. അവരെ പരിലാളിക്കുക, അവരെ ശ്രദ്ധിക്കുക ലോകത്തുള്ള എല്ലാ സ്നേഹവും അവർക്ക് നൽകുക..ജാൻവി കുറിക്കുന്നു.
View this post on Instagram Cherish them, listen to them, give them all the love in the world ❤️ Happy Mother’s Day A post shared by Janhvi Kapoor (@janhvikapoor) on May 11, 2019 at 8:07pm PDT

എല്ലാവരുടെയും ഉമ ടീച്ചർ എന്റെ ഉമ അമ്മ. എന്റെ ജീവിതത്തിലെ ആദ്യത്തേയും അവിരാമവുമായ പ്രചോദനം..അമ്മയുടെ മകളായിരിക്കാനുള്ള ഈ അനുഗ്രഹത്തിന് എന്നും കൃഞ്ജതയുള്ളവളായിരിക്കും. എന്നാണ് അമ്മയ്ക്കൊപ്പമുള്ള ചിത്രം പങ്കുവെച്ച് ദിവ്യ ഉണ്ണി കുറിച്ചത്.



Content Highlights: Mothers Day 2019,Mothers Day Wishes, Divya Unni, Janhvi Kapoor

പൂര്‍ണേന്ദുമുഖിപൂര്‍ണേന്ദുമുഖി

May 11, 2019, 12:01 pm

≫ Next: കുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവുംകുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവും

≪ Previous: മാതൃദിന ആശംസകളുമായി താരസുന്ദരികള്‍ മാതൃദിന ആശംസകളുമായി താരസുന്ദരികള്‍

$

0

0

തോളറ്റം വെട്ടിനിർത്തിയ നരവീണ മുടിയിലൂടെ പതുക്കെ വിരലോടിക്കേ തലയുയർത്തി എന്നെ നോക്കി അമ്മ. പിന്നെ വരണ്ടചുണ്ടുകളാൽ വാത്സല്യപൂർവം മന്ത്രിച്ചു: ന്റെ കുട്ടി വല്ലാണ്ടെ മെലിഞ്ഞിരിക്കുണൂലോ. എന്താ കഞ്ഞീം ചോറും ഒന്നും കഴിക്കിണില്ല്യേ നിയ്യ്?

ഒന്നും മിണ്ടാതെ, വെറുതെ അമ്മയെ നോക്കി കട്ടിലിൽ ഇരുന്നു ഞാൻ. ഞരമ്പുകൾ എഴുന്നുനിൽക്കുന്ന അമ്മയുടെ ശോഷിച്ച കൈകൾ എന്റെ കവിളുകൾക്കായി പരതുന്നത് അറിയുന്നുണ്ടായിരുന്നു ഞാൻ. ഒട്ടിയ കവിളുകളിൽ കണ്ണീരിന്റെ നേർത്ത നനവ്. അത് സന്തോഷത്തിന്റേതായിരുന്നോ? നിയ്യ് നെന്റെ അനുജനേം അനുജത്തിയേം പോയി കണ്ടുവാ. വടക്കേ അറയില് പാലും കുടിച്ച് കെടക്കണുണ്ടാകും പാവം രഞ്ജിനിക്കുട്ടി. ഇന്നലെ രാത്രി മുഴുവൻ കരച്ചിലായിരുന്നു. തുള്ളി പോള കണ്ണടച്ചിട്ടില്ല്യ,

ഒരു നിമിഷം നിർത്തി ശ്വാസമെടുത്തശേഷം അമ്മ കൂട്ടിച്ചേർക്കുന്നു. റെജി രാവിലെ സ്കൂളിൽ പോയി. കാലിലെ കുരുവുംകൊണ്ടാ പോയിരിക്കണേ. പാവത്തിന് വേദനിക്കാഞ്ഞാൽ മതി... ചിരിക്കണോ കരയണോ എന്നറിയില്ലായിരുന്നു എനിക്ക്. കുറച്ചുകാലമായി ഇങ്ങനെയാണ് അമ്മ. കൗമാരയൗവന കാലഘട്ടത്തിന് അപ്പുറത്തേക്ക് വളരാൻ മടിക്കുന്നു ആ മനസ്സ്. ഞങ്ങൾ മൂന്നുപേരും കുട്ടികളാണ് ഇപ്പോഴും അമ്മയ്ക്ക്; പറക്കമുറ്റാത്ത കിടാങ്ങൾ. ലോസ് ആഞ്ജലിസിൽ ഭർത്താവിനും മകനുമൊപ്പം താമസിക്കുന്ന ഇളയവളായ രഞ്ജിനി അമ്മിഞ്ഞപ്രായം വിട്ടിട്ടില്ലാത്ത പിഞ്ചുകുഞ്ഞ്. വാണിയംപാറയിൽ റബ്ബർ എസ്റ്റേറ്റ് മാനേജരായ രാജേന്ദ്രൻ എന്ന റെജി വികൃതിക്കാരനായ സ്കൂൾ വിദ്യാർഥി.

പാട്ടും എഴുത്തും ഭാര്യയും മക്കളുമായി കഴിയുന്ന ഞാൻ വെറും കോളേജ് കുമാരൻ.

രാവിലെ തുടങ്ങും, നിങ്ങളെ സ്കൂളിലും കോളേജിലും അയയ്ക്കാൻ വേണ്ടിയുള്ള തത്രപ്പാട് അച്ഛൻ പറഞ്ഞു. എന്റെ കുട്ട്യോളെവിടെയെന്ന് ചോദിച്ചാണ് ഉണരുക. രഞ്ജിനിക്ക് ഇങ്ക് കുറുക്കാത്തതിന് ആദ്യം ജോലിക്കാരിയെ വിളിച്ച് ചീത്തപറയും; റെജിക്ക് സ്കൂളിലേക്ക് ഇട്ടുപോകേണ്ട ഷർട്ട് ഇസ്തിരിയിടാത്തതിന് എന്നെയും. ഹോസ്റ്റലിലേക്ക് ഫോൺ വിളിച്ച് നിന്നെ കിട്ടിയില്ലല്ലോ എന്നാവും അടുത്ത പരിഭവം. ഇപ്പൊ പുതിയൊരു പരിപാടികൂടി തുടങ്ങീട്ടുണ്ട്. ചോറുണ്ണുംമുമ്പ് മൂന്ന് ഉരുള മക്കൾക്കുവേണ്ടി മാറ്റിവെക്കും. അച്ഛന്റെ വിവരണം ഒരക്ഷരം മിണ്ടാതെ കേട്ടുകിടക്കുന്ന അമ്മയുടെ മുഖത്തേക്ക് നോക്കിയപ്പോൾ അവിടെ നേർത്ത ഒരു പുഞ്ചിരി. വേണ്ട, അങ്ങനെ എന്നെ പറ്റിക്കാൻ നോക്കേണ്ട എന്ന ധ്വനിയുണ്ടായിരുന്നു ആ ചിരിയിൽ. പ്രായാധിക്യത്തിനും ക്ഷീണത്തിനും ഓർമക്കുറവിനും ഒന്നും ചോർത്തിക്കളയാനാകാത്ത എന്തോ ഒരു വശ്യത ആ ചിരിയിൽ അവശേഷിക്കുന്നതായി തോന്നി എനിക്ക്.

കിടക്കയുടെ ഒരു മൂലയിൽ ചുരുണ്ടുകൂടി കിടക്കുന്ന അമ്മയുടെ മെലിഞ്ഞുണങ്ങിയ രൂപത്തിൽനിന്ന് പഴയ ഒരു സുന്ദരിയെ വേർതിരിച്ചെടുക്കാൻ ശ്രമിക്കുകയായിരുന്നു ഞാൻ. പോണ്ട്സ് ടാൽക്കം പൗഡറിന്റെ വാസനയായിരുന്നു ശൈശവ സ്മരണകളിലെ അമ്മയ്ക്ക്. എസ്റ്റേറ്റ് ബംഗ്ലാവിന്റെ മുകൾനിലയിലെ വാർഡ്രോബിനുമുന്നിലെ സ്റ്റൂളിൽ ഇരുന്ന് ഒരു മൂളിപ്പാട്ടോടെ നീണ്ട ഭംഗിയുള്ള നഖങ്ങളിൽ ക്യൂട്ടക്സ് ഇടുന്ന അമ്മ, രാജ് കപൂർ ചിത്രങ്ങളിലെ നർഗീസിനെപ്പോലെ കൈമുട്ടും കവിഞ്ഞ് ഇറങ്ങി നിൽക്കുന്ന കൈകളുള്ള ബ്ലൗസും കഞ്ഞിപ്പശ മണക്കുന്ന ഖട്ടാവിന്റെ വോയൽസാരിയും ധരിച്ച് പൂമുഖത്ത് ഉലാത്തുന്ന അമ്മ, കുളികഴിഞ്ഞശേഷം ഉമ്മറത്തൂണിൽ ചാരിനിന്ന് രാവിലത്തെ വയനാടൻ വെയിലിൽ തലമുടി ഉണക്കുന്ന അമ്മ, കിടപ്പുമുറിയിലെ സെറ്റിയിൽ ഇരുന്ന് രഞ്ജിനിയുടെ കുഞ്ഞുടുപ്പുകളിൽ കിളികളെ തുന്നിച്ചേർക്കുന്ന അമ്മ... ആ അമ്മയിതാ മറവിയുടെ ഇരുളും വെളിച്ചവും ഇടകലർന്ന ലോകത്ത്, ഡെറ്റോളിന്റെയും ഫിനോയിലിന്റെയും ഗന്ധത്തിൽ മുങ്ങി, പരസഹായമില്ലാതെ എഴുന്നേറ്റ് നടക്കാൻപോലുമാകാതെ...

പൂർണേന്ദുമുഖിയോടമ്പലത്തിൽവെച്ച് എന്ന പാട്ട് ഓർക്കുന്നുണ്ടോ അമ്മ? നെറ്റിയിലെ മുറിപ്പാടിൽ മൃദുവായി തലോടി ഞാൻ ചോദിച്ചു. കുറച്ചുനേരം മുഖത്തേക്ക് ഉറ്റുനോക്കിയശേഷം ഇല്ലെന്ന് ആംഗ്യഭാഷയിൽ മറുപടി. തലതാഴ്ത്തി അമ്മയുടെ കാതിലേക്ക് ആ പാട്ടിന്റെ പല്ലവി പാടിക്കൊടുത്തു ഞാൻ: പൂർണേന്ദുമുഖിയോടമ്പലത്തിൽ വെച്ച്, പൂജിച്ച ചന്ദനം ഞാൻ ചോദിച്ചു, കണ്മണിയതുകേട്ട് നാണിച്ചു നാണിച്ച്, കാൽനഖം കൊണ്ടൊരു വരവരച്ചൂ...

നിമിഷങ്ങൾനീണ്ട മൗനത്തിനൊടുവിൽ അവ്യക്തമായ സ്വരത്തിൽ അമ്മ പറഞ്ഞു ഉവ്വ്, ഓർക്കണുണ്ട്. മ്മടെ ജയചന്ദ്രൻപാടിയതല്ലേ? യേശുദാസും ജയചന്ദ്രനും എസ്. ജാനകിയും ഒക്കെ അമ്മയ്ക്ക് മ്മടെ സ്വന്തം ആളുകളായിരുന്നു എന്നും; കുടുംബത്തിലെ അംഗങ്ങൾ പോലെ. വിവാഹിതയായി അച്ഛനോടൊപ്പം വയനാട്ടിലെ എസ്റ്റേറ്റ്ബംഗ്ലാവിന്റെ ഏകാന്തമൂകതയിലേക്ക് അമ്മ വന്നിറങ്ങിയത് ഈ പാട്ടുകാരുടെകൂടി കൈപിടിച്ചാണ്. ഓരോ ജീവിതനിമിഷങ്ങളിലും അവർ അമ്മയ്ക്ക് കൂട്ടിരുന്നു. കുളിക്കുമ്പോൾ, തുണി അലക്കുമ്പോൾ, കാപ്പി കൂട്ടുമ്പോൾ, കത്തെഴുതുമ്പോൾ, തുന്നുമ്പോൾ...

മുകളിൽ കറങ്ങിക്കൊണ്ടിരുന്ന ഫാനിൽ കണ്ണുംനട്ട് എന്തോ പിറുപിറുത്ത് മലർന്നുകിടക്കുന്ന അമ്മയെ നോക്കിയിരുന്നപ്പോൾ, പൂർണേന്ദുമുഖി വീണ്ടും മനസ്സിൽ വന്നു തടഞ്ഞു, ചുണ്ടിലും. അമ്മയുടെ ഏറ്റവും പ്രിയപ്പെട്ട ഗാനമായിരുന്നു ഒരിക്കൽ അത്. ബംഗ്ലാവിന്റെ മുറ്റത്തെ സിമന്റ്പടവിൽ ഇരുന്ന്, അച്ഛൻ വരാൻ വൈകുന്ന രാത്രികളിൽ ഞങ്ങൾ കുട്ടികൾക്കുവേണ്ടി അമ്മ പാടിയിരുന്ന പാട്ട്. കാൽനഖം കൊണ്ടൊരു വര വരച്ചു... എന്ന ഭാഗമെത്തുമ്പോൾ രഞ്ജിനി ചോദിക്കും: അതെങ്ങന്യാ അമ്മേ കാൽനഖംകൊണ്ട് വരവരയ്ക്ക്യാ? കയ്യോണ്ടല്ലേ നമ്മളൊക്കെ വരക്ക്യാ? നിഷ്കളങ്കമായ ചോദ്യം. അമ്മ പൊട്ടിച്ചിരിക്കും അത് കേൾക്കുമ്പോൾ. അതേയ്, ഇഷ്ടം കൂടുമ്പോ ആൾക്കാര് കാലോണ്ടും വരയ്ക്കും... ഉരുളയ്ക്ക് ഉപ്പേരിപോലെ വിശദീകരണം.

ആദ്യമായി വീട്ടിൽ ടേപ്പ് റെക്കോർഡർ കൊണ്ടുവന്ന ദിവസം ഓർക്കുന്നു. മേശപ്പുറത്ത് കിടത്തിവെക്കാവുന്ന, തുകലിന്റെ കുപ്പായമിട്ട ഒരു കാസറ്റ് പ്ലെയർ. റ്റെലിഫങ്കൻ എന്നായിരുന്നു അതിന്റെ പേര്. രണ്ടു ഹെഡ്ഡുകളിൽ കറങ്ങിത്തിരിയുന്ന കാസറ്റ് എന്ന കൗതുകവസ്തുവിനെ വിസ്മയത്തോടെ നോക്കിനിന്നിട്ടുണ്ട് അന്ന്. ആദ്യം സ്വന്തം ശബ്ദം റെക്കോർഡ്ചെയ്ത് കേട്ടതും അതിൽത്തന്നെ. കാറ്റടിച്ചു, കൊടും കാറ്റടിച്ചു... എന്ന പാട്ടാണ് ഞാൻ പാടിയത്. അനിയൻ ഹരേ രാമാ... എന്നുതുടങ്ങുന്ന സ്തോത്രം. അനിയത്തി പാടിയത് ഏതെങ്കിലും നഴ്സറി റൈം ആവണം. അമ്മയുടെ പാട്ടുമാത്രം ഇപ്പോഴും ഓർമയുണ്ട്: പൂർണേന്ദുമുഖിയോടമ്പലത്തിൽവെച്ച്...

യേശുദാസിനോടും ജയചന്ദ്രനോടും തുല്യസ്നേഹമാണ് അമ്മയ്ക്ക്. സ്നേഹം കൂടുമ്പോൾ യേശൂട്ടി എന്ന് വിളിക്കും അമ്മ ദാസിനെ. രണ്ടും രണ്ട് സ്റ്റൈലാണ്. യേശൂട്ടിക്ക് സമം യേശൂട്ടി മാത്രം. ജയചന്ദ്രന് ജയചന്ദ്രനും... അമ്മ പറയും. ഇരുഗായകരെയും കൂട്ടിയാണ് വൈകുന്നേരങ്ങളിൽ അമ്മ അടുക്കളയിൽ കയറുക. ശ്രീലങ്ക പ്രക്ഷേപണ കൂട്ടുസ്ഥാപനത്തിലെ വിഖ്യാത അവതാരക സരോജിനി ശിവലിംഗവും ഉണ്ടാവും കൂടെ. സംഭവബഹുലമായ ഒരു സായാഹ്ന സംഗീതസദസ്സിന്റെ തുടക്കം.

പ്രണയവും വിരഹവും ഭക്തിയും തത്ത്വചിന്തയുമൊക്കെ നിരനിരയായിവന്ന് പീലിനിവർത്തിയാടും പുകപിടിച്ച അടുക്കളയുടെ നാല് ചുമരുകൾക്കുള്ളിൽ. കടുക് വറുക്കുമ്പോൾ, നാളികേരം ചിരകുമ്പോൾ, ദോശച്ചട്ടിയിൽ മാവൊഴിക്കുമ്പോൾ, ചായയ്ക്ക് വെള്ളം തിളപ്പിക്കുമ്പോൾ അമ്മയും റേഡിയോയും പാടിക്കൊണ്ടേയിരിക്കും. പഞ്ചസാരയും ശർക്കരയും വെളിച്ചെണ്ണയും ഒക്കെ നിരത്തിവെച്ചിരിക്കുന്ന മരത്തിന്റെ ഷെൽഫിലാണ് ഫിലിപ്സിന്റെ കൊച്ചുറേഡിയോ ആദ്യം ഇടംപിടിക്കുക. പിന്നെ അടുപ്പിന് കുറച്ചുകൂടി അടുത്തുള്ള അലമാരയിലേക്ക് അതിന് സ്ഥാനക്കയറ്റം ലഭിക്കും. പാട്ടിനോട് പ്രണയം മൂക്കുമ്പോൾ അടുപ്പിനു തൊട്ടുമുകളിൽ എത്തും അത്.

ആ ഇരിപ്പിൽ ഒരു ട്രാൻസിസ്റ്റർ ഉരുകിപ്പോകുക വരെ ചെയ്തിട്ടുണ്ട് ഒരിക്കൽ.

പുകകണ്ടും കരിഞ്ഞ മണം കേട്ടും പരിഭ്രമത്തോടെ തൊട്ടടുത്ത മുറിയിൽനിന്ന് ഓടിയെത്തിയ വല്യമ്മയോട് അമ്മ പറഞ്ഞു: അയ്യോ മാണിക്യവീണ മുഴോൻ കേക്കാൻ പറ്റീല്യ.

പ്രേംനസീറായിരുന്നു എന്നും അമ്മയുടെ ഇഷ്ടതാരം. ഷീലയുടെയും ശാരദയുടെയും ജയഭാരതിയുടെയും കണ്ണീരൊപ്പുകയും കെ.പി. ഉമ്മറിനെയും ജോസ് പ്രകാശിനെയും ഗോവിന്ദൻകുട്ടിയെയും പോലുള്ള ദുഷ്ടപ്പരിഷകളെ ഇടിച്ച് പതംവരുത്തുകയും യേശുദാസിന്റെ ഗന്ധർവസ്വരത്തിൽ പാടുകയും ചെയ്യുന്ന നസീർ. ആരാധനയിൽ വല്യമ്മമാരും ഒട്ടും പിന്നിലായിരുന്നില്ല. മൂന്നുസഹോദരിമാരും ഉടുത്തൊരുങ്ങി അങ്ങാടിയിലൂടെ നട്ടുച്ച വെയിലത്ത് നടന്നുപോകുമ്പോൾ റോഡരികിലുള്ള പീടികമുറികളിൽനിന്ന് കമന്റുകൾ ഉയരും: ഓ, ഇന്ന് നസീറിന്റെ പുതിയപടം വന്നിട്ടുണ്ടെന്ന് തോന്നുന്നു. ലളിതാ പദ്മിനി രാഗിണിമാർ ഒരുങ്ങി ഇറങ്ങീട്ടുണ്ട്...

വർഷങ്ങൾ കഴിഞ്ഞ് പത്രപ്രവർത്തന ജീവിത കാലത്തൊരിക്കൽ കോഴിക്കോട്ടെ ധ്വനി സിനിമയുടെ ലൊക്കേഷനിൽവെച്ച് നസീർസാറിനെ നേരിൽക്കണ്ട് ഇന്റർവ്യൂ ചെയ്തപ്പോൾ, എടരിക്കോടൻ സഹോദരിമാരുടെ നസീർ ഭ്രമത്തെക്കുറിച്ച് വിവരിച്ചുകൊടുക്കാൻ മറന്നില്ല. സ്വതഃസിദ്ധമായ ശൈലിയിൽ ഉറക്കെച്ചിരിച്ച് നിത്യവസന്തം പറഞ്ഞു: എന്തായാലും ആ അഡ്രസ്സും ഫോൺ നമ്പരും ഒന്ന് തന്നേക്കൂ. അഭിനയത്തിരക്കൊക്കെ കഴിഞ്ഞില്ലേ? ഇനിയിപ്പോ എനിക്ക് വിശ്രമകാലമാണ്. പഴയ ആരാധകരെയൊക്കെ നേരിൽ കാണണം എന്നുണ്ട്. ആ വഴിക്ക് പോകുകയാണെങ്കിൽ നിങ്ങളുടെ വീട്ടിലും കയറാം. അമ്മയെയും വല്യമ്മമാരെയും കാണാം ആത്മാർഥതയുടെ തെളിച്ചമുള്ള വാക്കുകൾ. എന്തുചെയ്യാം, ധ്വനിയുടെ ഷൂട്ടിങ് കഴിഞ്ഞ് ചെന്നൈയിലേക്ക് മടങ്ങിയ നസീർ പിന്നെ തിരിച്ചെത്തിയതേയില്ല. മരണം അതിനകം അദ്ദേഹത്തെ കൂട്ടിക്കൊണ്ടുപോയിരുന്നു.

മറ്റൊരു ഉറക്കത്തിന്റെ ആലസ്യത്തിലേക്ക് അമ്മ വഴുതി വീഴവേ മേശപ്പുറത്തെ മ്യൂസിക്സിസ്റ്റം ഞാൻ വെറുതെ ഓൺചെയ്തു. അത്ഭുതം. പ്രണയാർദ്രമായ ശബ്ദത്തിൽ ജയചന്ദ്രൻ പാടുന്നു: പൂർണേന്ദു മുഖിയോടമ്പലത്തിൽ വെച്ച്, പൂജിച്ച ചന്ദനം ഞാൻ ചോദിച്ചു... കുരുക്ഷേത്രം എന്ന സിനിമയിൽ ഭാസ്കരൻമാസ്റ്റർ എഴുതി കെ. രാഘവൻ ഈണമിട്ട്, സത്യൻ അഭിനയിച്ച നിത്യസുന്ദര ഗാനം. കിടന്നകിടപ്പിൽ അമ്മ തലചെരിച്ചുനോക്കി. എവിടെയോ കേട്ടുമറന്ന ഒരു സ്നേഹിതന്റെ ശബ്ദം വർഷങ്ങൾക്കുശേഷം വീണ്ടും കേൾക്കുമ്പോഴത്തെ കൗതുകംകണ്ടു ഞാൻ ആ കണ്ണുകളിൽ.

കുറച്ച് ഉറക്കെ വെക്കാമോ എന്ന് ആംഗ്യഭാഷയിൽ അമ്മയുടെ ചോദ്യം. ഞാൻ പാട്ട് ഉറക്കെവെച്ചപ്പോൾ അമ്മയുടെ ചുണ്ടുകൾ പതുക്കെ മൂളി: ആരാധന തീർന്ന് നടയടച്ചു, ആൽത്തറ വിളക്കുകൾ കണ്ണടച്ചൂ, ആളുകൾ ഒഴിഞ്ഞു അമ്പലകുളങ്ങരെ അമ്പിളി ഈറൻ തുകിൽ വിരിച്ചൂ...പാട്ട് തീർന്നപ്പോൾ എന്റെ കൈകളിൽ മുറുകെ പിടിച്ചു അമ്മ. എന്നിട്ട് പറഞ്ഞു: നിയ്യ് എങ്ങട്ടും പോണ്ട ചെക്കാ; പഠിച്ചതൊക്കെ മതി. ഇബടെ അമ്മടെ അടുത്ത് ഇരുന്നോ ഇങ്ങനെ പാട്ടും കേട്ട്... കണ്ണുകൾ ചിമ്മി നിഷ്കളങ്കമായി ചിരിക്കുന്ന അമ്മയുടെ മുഖത്ത് നോക്കി, കരച്ചിലടക്കാനാകാതെ ഞാനിരുന്നു.

Content Highlights: Mothers day 2019

കുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവുംകുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവും

May 12, 2019, 3:08 am

≫ Next: നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി

≪ Previous: പൂര്‍ണേന്ദുമുഖിപൂര്‍ണേന്ദുമുഖി

$

0

0

വിശേഷമൊന്നുമായില്ലേ..? വിവാഹം കഴിഞ്ഞ് നാളുകൾ പിന്നിടുമ്പോഴേക്കും ബന്ധുക്കളിൽ നിന്ന് പതിവായി കേൾക്കേണ്ടി വരുന്ന ചോദ്യം. ഉപചാരപൂർവം എന്ന് ചിലരെങ്കിലും കരുതുന്ന ഈ ചോദ്യങ്ങൾ പലർക്കും വേദനയാകുന്നത് ചോദിക്കുന്നവർ അറിയാറില്ല. ആഗ്രഹിക്കുന്ന ഉത്തരം ലഭിക്കുന്ന വരെ പലരും ഈ ചോദ്യം ചെയ്യൽ തുടരുകയും ചെയ്യും.

അത്തരം മാനസികാവസ്ഥയിലൂടെ നിരവധി തവണ കടന്നുപോയിട്ടുള്ള അനുഭവം പങ്കുവെക്കുകയാണ് ഷിൽന സുധാകരൻ. കുഞ്ഞുങ്ങളുണ്ടാകാൻ വൈകുന്നവരും മനുഷ്യരാണ്..കാരുണ്യവും ദയയും ജീവിക്കാനുള്ള അവകാശവും അവരും അർഹിക്കുന്നുണ്ട്. കുഞ്ഞുങ്ങൾക്കായി കാത്തിരിക്കുന്ന ഒരുപാടൊരുപാട് ദമ്പതികൾ നമ്മുക്കിടയിലുണ്ട്..വന്ധ്യത അവരുടെ ആരുടെയും കുറ്റമല്ല...ഷിൽന പറയുന്നു.

അപകടത്തിൽ മരണപ്പെട്ട ഭർത്താവ് സുധാകരന്റെ ബീജത്തിൽ നിന്ന് ഇരട്ടക്കുഞ്ഞുങ്ങൾക്ക് ഷിൽന ജന്മം നൽകിയത് മാധ്യമങ്ങളിൽ വലിയ വാർത്തയായിരുന്നു. 2017 ഓഗസ്റ്റിലാണ് വാഹനാപകടത്തിൽ തലശ്ശേരി ബ്രണ്ണൻ കോളജ് അധ്യാപകനും മാതൃഭൂമി കാസർകോട് ബ്യൂറോയിലെ മുൻ ലേഖകനുമായ കെ.വി സുധാകരൻ മരണപ്പെടുന്നത്. സുധാകരനും ഷിൽനയും കുഞ്ഞുങ്ങൾക്കായുള്ള ചികിത്സയിലായിരുന്നു. കുഞ്ഞിനായുള്ള കാത്തിരിപ്പിൽ ഷിൽനയെ തനിച്ചാക്കി സുധാകരൻ പോയെങ്കിലും സുധാകരന്റെ കുഞ്ഞുങ്ങളെ പ്രസവിച്ച് വളർത്താനായിരുന്നു ഷിൽനയുടെ തീരുമാനം.

ഷിൽനയുടെ കുറിപ്പ് വായിക്കാം

ഈ കുറിപ്പ് അമ്മമാർക്കുള്ളതല്ല.

വിവാഹ ശേഷമുള്ള പതിമൂന്നാം വർഷമാണിത്..കൂട്ടിക്കിഴിച്ചു നോക്കുമ്പോൾ ജീവിതത്തിന്റെ സിംഹഭാഗവും എവിടെ ചിലവഴിച്ചു എന്ന് ചോദിക്കുകയാണെങ്കിൽ ,വന്ധ്യത ക്ലിനിക്കുകളിൽ എന്നുള്ളതാണ് ഏറ്റവും ശരിയായ ഉത്തരം..ജീവിതത്തിൽ ഞങ്ങൾ നേരിട്ട ഏറ്റവും വലിയ പ്രതിസന്ധിയും അത് തന്നെയായിരുന്നു.അതേ പ്രതിസന്ധി തന്നെയായിരുന്നു ഞങ്ങളെ ഇണ പിരിയാനാവാത്ത വിധം ജീവിതത്തോട്അടുപ്പിച്ചുനിർത്തിയത്.ഇന്ന് ഇതെഴുതുമ്പോൾ അദ്ദേഹം എന്നോടൊപ്പമില്ല...എങ്കിലും..

എന്നെങ്കിലും കുഞ്ഞുങ്ങളില്ലാത്ത സുഹൃത്തുക്കളുടെ സങ്കടങ്ങൾക്കു നിങ്ങൾ ചെവി കൊടുത്തിട്ടുണ്ടോ ?കുഞ്ഞുങ്ങളില്ലാതെ വിഷമിക്കുന്ന സഹപ്രവർത്തകർക്ക് താങ്ങായി നിന്നിട്ടുണ്ടോ?
സമൂഹത്തിൽ നിന്ദയും അപമാനവും അനുഭവിക്കുന്ന ഈ കൂട്ടരോട് അല്പമെങ്കിലും അനുഭവത്തോടെ നിങ്ങൾ പെരുമാറിയിട്ടുണ്ടോ ?

എല്ലാ ദിവസങ്ങളിലും അനേകം ആളുകളുമായി ഇടപഴകേണ്ടി വരുന്ന ഒരു ഉദ്യോഗസ്ഥ എന്ന നിലയിൽ ഇത്രയും നാൾ ഞാൻ അനുഭവിച്ചിരുന്ന മാനസിക ആഘാതം ചില്ലറയല്ല..മുന്നിൽ വന്നിരിക്കുന്ന ആളുകൾ ,അല്ലെങ്കിൽ പലപ്പോഴായി നാം കണ്ടു മുട്ടുന്ന ആളുകൾ..പരിചയപ്പെട്ടുവരുമ്പോൾ ,വീട് കുടുംബം കുഞ്ഞുങ്ങൾ കഴിഞ്ഞാൽ... കുട്ടികളില്ലെന്നറിയുമ്പോൾ വരുന്ന നാലാമത്തെ ചോദ്യം, ആർക്കാണ് കുഴപ്പം എന്നുള്ളതായിരിക്കും..മറുപടി പറയാനാവാതെ ഞാൻ പലപ്പോഴും സീറ്റിൽ നിന്നു എഴുന്നേറ്റു പോവുകയാണ് പതിവ്..മാഷോട് ഞാൻ ഇക്കാര്യം പറയുമ്പോൾ അദ്ദേഹം എപ്പോഴും തരുന്ന ഒരു മറുപടിയുണ്ട്..കുഴപ്പം ഭർത്താവിനാണെന്നു പറഞ്ഞോളൂ അങ്ങനെയെങ്കിലും അവർ സന്തോഷിക്കട്ടെ എന്ന്..

യഥാർത്ഥത്തിൽ കുഴപ്പം ആർക്കാണ് ?എനിക്കോ അതോ എന്റെ ഭർത്താവിനോ അതോ ചോദ്യം ചോദിക്കുന്ന നിങ്ങൾക്കോ ?
പ്രിയമുള്ളവരേ, കഴിഞ്ഞ കുറെയേറെ വർഷങ്ങളായി ഈ മാനസിക പിരിമുറുക്കം അനുഭവിച്ച ,അതിനെതിരെ പൊരുതിയ ആളെന്ന നിലയിൽ ഞാൻ പറയുന്നു,വന്ധ്യതയും മറ്റേതൊരു രോഗം പോലെ ജീവിതത്തെ കാർന്നു തിന്നുന്നു..ശാരീരിക വേദന ഇല്ലെന്നത് ഒഴിച്ച് നിർത്തിയാൽ അത് തരുന്ന മാനസിക വേദന മറ്റേതൊരു രോഗത്തെക്കാളും കഠിനമാണ്...വന്ധ്യത മൂലം കഷ്ടപ്പെടേണ്ടി വരുന്ന രോഗികൾ സമൂഹത്തിൽ ,തൊഴിലിടങ്ങളിൽ ,വീടുകളിൽ അനുഭവിക്കേണ്ടി വരുന്ന അവഹേളനങ്ങൾ നിരവധി അനവധിയാണ്....

മറ്റേതൊരു രോഗം പോലെ എളുപ്പമല്ല വന്ധ്യത ചികിത്സയുമായുള്ള മുന്നോട്ടു പോക്ക്...
ചിലവഴിക്കേണ്ടി വരുന്ന പണം..ശരീരത്തിൽ കുത്തികയറ്റുന്ന മരുന്നുകൾ..നഷ്ടമാവുന്ന സമയം..എല്ലാം കഴിയുമ്പോഴും വിജയം സുനിശ്ചിതമല്ല..പരാജയമാണ് ഫലമെങ്കിൽ രോഗി അപ്പോഴേക്കും മാനസികമായും ശാരീരികമായും തളർന്നിട്ടുണ്ടാവും...

അതൊക്കെ അനുഭവിക്കുന്ന/അനുഭവിച്ചു കൊണ്ടിരിക്കുന്ന രോഗികളോടായിരിക്കും നിങ്ങൾ മേൽപ്പറഞ്ഞ മാതിരിയുള്ള ചോദ്യങ്ങൾ ചോദിച്ചു വീണ്ടും വീണ്ടും പീഡിപ്പിക്കുന്നത്..

സമൂഹമേ അവരും മനുഷ്യരാണ്..കാരുണ്യവും ദയയും ജീവിക്കാനുള്ള അവകാശവും അവരും അർഹിക്കുന്നുണ്ട്.
കുഞ്ഞുങ്ങൾക്കായി കാത്തിരിക്കുന്ന ഒരുപാടൊരുപാട് ദമ്പതികൾ നമ്മുക്കിടയിലുണ്ട്..വന്ധ്യത അവരുടെ ആരുടെയും കുറ്റമല്ല...

ഈ മാതൃദിനം അവർക്കുള്ളതാവട്ടെ....കുഞ്ഞുങ്ങൾക്കായി കാത്തിരിക്കുന്ന എല്ലാ വിവാഹിതരായ സ്ത്രീകൾക്കുമായി ഈ കുറിപ്പും ഈ ഫോട്ടോയും സമർപ്പിക്കുന്നു..

നിറയെ സ്നേഹം..

Content Highlights: Shilna Sudhakar, Mothers Day 2019

---

നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി

May 12, 2019, 3:09 am

≫ Next: എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്

≪ Previous: കുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവുംകുഞ്ഞുങ്ങള്‍ക്കായി കാത്തിരിക്കുന്ന എല്ലാ വിവാഹിതരായ സ്ത്രീകള്‍ക്കും വേണ്ടിയാണ് ഈ കുറിപ്പും ചിത്രവും

$

0

0

യുവജനോത്സവ വേദികളിൽ പതിവായി പാടിയിരുന്ന,സ്കൂൾ മത്സരങ്ങളിൽ പാട്ടിൽ എന്നും ഒന്നാമതെത്തിരുന്ന നാലുപേർ. ഗായത്രിയും ശ്രീലക്ഷ്മിയും ദീപ്തിയും രശ്മിയും. സ്കൂൾ കാലം കഴിഞ്ഞ് നാലിടങ്ങളിലേയ്ക്ക് അവർ തിരിഞ്ഞു. എന്നാൽ 19 വർഷങ്ങൾക്ക് ശേഷം അവർ വീണ്ടും ഒന്നിച്ചു സംഗീതം എന്ന ലക്ഷ്യത്തിനായി. വാട്സാപ്പ്സജീവമായതോടെ ആ കൂടിച്ചേരൽ വീണ്ടും ഊഷ്മളമായി. അങ്ങനെ 19 വർഷത്തിനു ശേഷമുള്ള ആ കൂടിച്ചേരൽ അല്ലിയാമ്പൽ എന്ന കവർ സോങ്ങിന്റെയും ജനി എന്ന ആൽബത്തിന്റെയുംപിറവിക്കു കാരണമായി. മാധൂര്യമൂറുന്ന ഒരു അമ്മത്താരാട്ടാണ് ജനി. അമ്മമാർ തന്നെ മക്കളെ ആക്രമിക്കുന്ന കാലത്ത്അങ്ങേയറ്റം ചിന്തോദീപകമായ ഒന്ന്.

തുടക്കത്തിൽ ചെറിയ പാട്ടുകളും വിശേഷം പങ്കുവയ്ക്കലുകളുമായിരുന്നു വാട്സാപ്പിൽഗ്രൂപ്പിൽ ഉണ്ടായിരുന്നത്. പിന്നീട് സ്മ്യൂൾ സജീവമായപ്പോൾ ഗ്രൂപ്പും സംഗീതസാന്ദ്രമായി. എന്നാൽ പിന്നീട് അത് വളരെ ഗൗരവമേറിയ സംഗീത ചർച്ചകളുടെ ഇടമായി മാറി. സ്മ്യൂളിലെ സോളോയും ഡ്യൂയെറ്റുമായി ഗ്രൂപ്പ്കൂടുതൽ സജീവമാക്കി. വാട്സാപ്പ് ഗ്രൂപ്പ് തുടങ്ങിയതിനു ശേഷം അനുപല്ലവി പാടാൻ മറന്നവരികൾ എന്ന പേരിൽ ഒരു ഫേസ്ബുക്ക് പേജ് തുടങ്ങി. തുടർന്നുള്ള പാട്ടുകൾ പേജിലൂടെ സംഗീത പ്രേമികളിലേയ്ക്ക് എത്തി. ഇതിനു ശേഷം പാട്ടിന്റെ ദൃശ്യാവിഷ്കാരം എന്ന ചിന്ത വന്നത്. അങ്ങനെ അല്ലിയാമ്പൽ എന്ന കവർ സോങ്ങിലേയ്ക്ക് എത്തുകയായിരുന്നു. ഒരു നൊസ്റ്റാൾജിക് സോങ്ങ് എന്ന നിലയിൽ അല്ലിയാമ്പൽ തിരഞ്ഞെടുത്തു. അത് വളരെ പെട്ടന്നെടുത്ത തീരുമാനമായിരുന്നുവെന്ന് ഇവർ പറയുന്നു. സുഹൃത്തുക്കൾ ഒരു ദിവസം കോഴിക്കോട്ട് ഒരുമിച്ചു. അന്നു രാവിലെ റെക്കോർഡ് ചെയ്ത് വൈകിട്ട് ഷൂട്ട് തീർക്കുകയായിരുന്നു.



അല്ലിയാമ്പലിൽ നിന്നും വ്യത്യസ്തമാണ് ജനി. ഒരുവർഷത്തോളമുള്ള ചർച്ചകളിലൂടെയാണ് ജനി പിറക്കുന്നതെന്ന് ദീപ്തി പറയുന്നു. അല്ലിയാമ്പലിനു ലഭിച്ച മികച്ച പ്രതികരണം ജനി എന്ന ആൽബത്തിനുള്ള ഊർജമായി. അല്ലിയാമ്പൽ കഴിഞ്ഞപ്പോൾ മുതൽ ഒരു പാട്ട് ചിത്രീകരിക്കുന്നതിനെക്കുറിച്ച് ആലോചിച്ചിരുന്നു. നാലുപേരും പാടുമ്പോഴും രശ്മിക്കായിരുന്നു കൂട്ടത്തിൽ സംഗീതത്തോട് കൂടുതൽ അഭിനിവേശം ഉണ്ടായിരുന്നത്. ജനിക്കുള്ള ട്യൂൺ ഉണ്ടാക്കിയതും രശ്മി തന്നെയായിരുന്നു. ശ്രീലക്ഷ്മിയാണ് ജനിയുടെ വരികൾ എഴുതിയത്. നാലുപേരും നാലിടത്തായതിനാൽ തുടക്കമുതൽ ചർച്ചകളും കോ-ഓർഡിനേഷനും വാട്ടസാപ്പ്വഴിയായിരുന്നു. ആ ചർച്ചകൾ താരാട്ട് പാട്ട് എന്ന ചിന്തയ്ക്കപ്പുറം ലോകത്തിലെ ഏറ്റവും മനോഹരമായ അനുഭവമായ മാത്യത്വമെന്ന ആശയത്തിലേയ്ക്ക് എത്തുകയായിരുന്നു.



കെ.എസ് ചിത്ര ജനി പ്രകാശനം ചെയ്യുന്നു



നാലുപേരുടെയും വീട് കോഴിക്കോട്ടാണെങ്കിലും ഇപ്പോൾ നാലു പേരും നാലിടത്താണ്. ഗായത്രി യു.എസിൽ സ്ട്രറ്റജിക് മാർക്കറ്റിങ് മാനേജരാണ്. ശ്രീലക്ഷ്മി പുണെയിലാണ്. ദീപ്തി ബാംഗ്ലൂരിൽ സോഫ്റ്റ്വെയർ എഞ്ചിനീയർ. രശ്മി അരീക്കോട് മദർ ഹോസ്പറ്റിലിൽ ഇ.എൻ.ടി സർജനാണ്. കഴിഞ്ഞ വർഷം അവസാനത്തോടെയാണ് ജനിയുടെ ട്യൂൺ തയ്യാറാക്കിയത്.ഈ വർഷം തുടക്കത്തിൽ പാട്ട് പൂർത്തിയാക്കി. മാർച്ചിൽ ഓഡിയോ റെക്കോഡ് ചെയ്തു.യു.എസിലായതിനാൽ ഗായത്രിക്ക് ഷൂട്ടിങ് സമയം നാട്ടിൽ വരാൻ കഴിഞ്ഞില്ല. എന്നാൽ വാട്ട്സാപ്പിലൂടെ ഗായത്രി ആൽബത്തിന്റെ ചിത്രീകരണത്തിലുടനീളം സജീവസാന്നിദ്യമായി. ഗായത്രി സ്ക്രീൻ പ്ലേ എഴുതിയപ്പോൾ രശ്മിയും ശ്രീലക്ഷ്മിയും ദീപ്തിയും ഷൂട്ടിങ് കോ-ഓർഡിനേറ്റ് ചെയ്തു. ദീപ്തിയാണ് പ്രചരണം. ശ്രീലക്ഷ്മിയുടെ മകനായ അഭിരാമാണ് ജനിയിൽ മകനായി എത്തിരിക്കുന്നത്. ഗായത്രി സോമനാഥ് അമ്മയായി എത്തി. ഇസ്റ്റ് കോസ്റ്റ് ഓഡിയോസിന്റെ ചാനലാണ് ജനി റിലീസ് ചെയ്തത്. സിഡി പ്രകാശനം ചെയ്തത് കെ.എസ് ചിത്ര. സച്ചിൻ രാജാണ് ഛായാഗ്രഹണം.



Content Highlights:jani album song Mothers Day

എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്

May 12, 2019, 4:34 am

≫ Next: കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം

≪ Previous: നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി നാലിടത്ത് നിന്ന് നാലു സുഹൃത്തുക്കള്‍ ഒന്നിച്ചു, ആ ഒരൊറ്റ ലക്ഷ്യത്തിനു വേണ്ടി

$

0

0

മാതൃദിനത്തിൽ അമ്മയുടെ ധൈര്യത്തെക്കുറിച്ചും പ്രചോദനത്തെക്കുറിച്ചും കുറിപ്പെഴുതിരിക്കുകയാണ് സ്മൃതി ഇറാനി. അമ്മയുടെ തന്റേടവും ധൈര്യവും തന്റെ ജീവിത്തിൽ പ്രചോദനമായതിനെക്കുറിച്ചാണ് സ്മൃതിയുടെകുറിപ്പ്. അസൗകര്യങ്ങൾ ഉണ്ടാകുമെന്ന് അറിഞ്ഞിട്ടും സ്വന്തം ഇഷ്ടപ്രകാരം തന്നെ ജീവിക്കാനാണ് അമ്മ തീരുമാനിച്ചത്.

എല്ലാ അമ്മമാർക്കും ഒരു പ്രത്യേക ശക്തിയുണ്ട്. എനിക്ക് പറക്കാൻ ചിറകുകൾ തന്നത് അമ്മയാണ്. എന്തൊക്കെ പിഴവ് പറ്റിയാലും കൂടെയുണ്ടെന്ന് ആത്മവിശ്വാസം നൽകി. എല്ലാ അമ്മമാർക്കും മാതൃദിനാശംസകൾ എന്നായിരുന്നു സ്മൃതിയുടെ കുറിപ്പ്. അമ്മയുടെ ചിത്രത്തോടൊപ്പമാണ് സ്മൃതി ഇൻസ്റ്റഗ്രാമിൽ കുറിപ്പ് പോസ്റ്റ് ചെയ്തിരിക്കുന്നത്.


















View this post on Instagram




























Fiercely independent, my Ma chose to live life on her terms even when it was most inconvenient. Notice the white board behind her with numbers of doctors. Her strict instructions to all , if something happens to her these are the first people to call. I asked her why none of her kids feature on the board. She said Moms are the ones you fall back on in times of trouble and asked me to put her number on my emergency list instead. Every Mom has a special power. Mine gave me wings to fly and the confidence that if anything ever goes wrong there is always Mom to help nurture me and put me back on my feet. #happymothersday ❤️❤️❤️❤️ to my Ma and all those great Mums out there😘

A post shared by Smriti Irani (@smritiiraniofficial) on May 11, 2019 at 8:20pm PDT





Content Highlight:smrthi irani instagram post about mothers day

കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം

May 12, 2019, 5:00 am

≫ Next: 'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍

≪ Previous: എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്എനിക്ക് പറക്കാന്‍ ചിറകുകള്‍ തന്നത് എന്റെ അമ്മ: മാതൃദിനത്തില്‍ സ്മൃതി ഇറാനിയുടെ കുറിപ്പ്

$

0

0

മരിച്ചതറിയാതെ കുഞ്ഞിനെ നെഞ്ചോട് ചേർത്ത് ഉമ്മ വച്ചും തലോടിയും കുഞ്ഞിനെ ഉണർത്താൻ ശ്രമിക്കുന്നഅമ്മക്കുരങ്ങിന്റെ ദൃശ്യം വേദനയാകുന്നു. നോർത്ത വെസ്റ്റ് ചൈനയിലെ സിയാങ് യാങ് മൃഗശാലയിലായിരുന്നു കരളലിയിപ്പിക്കുന്ന കാഴ്ച ചത്ത കുഞ്ഞിന്റെ നെറ്റിയിൽ ഉമ്മ വച്ചും കുഞ്ഞിനെ എടുത്ത് നെഞ്ചിൽ കിടത്തിയും ചേർത്തുപിടിച്ചും എഴുന്നേൽപ്പിക്കാൻ ശ്രമിക്കുന്നതാണ് വീഡിയോയിൽ ഉള്ളത്.

കുഞ്ഞിനെ തറയിൽ കിടത്തി വേദനയോടെ നോക്കുന്നതും കാണാം. പിന്നെ കുഞ്ഞിനെ കൈയിൽ പിടിച്ച് ഓടുന്നുമുണ്ട്. മെയ് നാലിനായിരുന്നു മൃഗശാലയിലെ മൂന്നു വയസുള്ള അമ്മ കുരങ്ങ് പ്രസവിച്ചത്. തുടക്കത്തിലെ കുഞ്ഞിന്റെ ആരോഗ്യ സ്ഥിതി മോശമായിരുന്നുഎങ്കിലും അധികൃതർ കുഞ്ഞിന്റെ അരികിൽ വരാൻ അമ്മ കുരങ്ങ് സമ്മതിച്ചില്ല. ജനിച്ച് രണ്ട് ദിവസത്തിനുള്ളിൽ പോഷകാഹാര കുറവ് മൂലം കുഞ്ഞ് ചത്തു പോകുകയായിരുന്നു.



content highlights: Heart-breaking footage shows mother monkey cradling and kissing her dead baby

'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍

May 12, 2019, 11:25 am

≫ Next: ഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നുഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നു

≪ Previous: കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം കുഞ്ഞ് ചത്തതറിയാതെ ഉമ്മവച്ച് ഉണര്‍ത്താന്‍ ശ്രമിക്കുന്ന അമ്മക്കുരങ്ങ്: വേദനയായി ഒരു ചിത്രം

$

0

0

മാതൃദിനത്തിൽ ഭാര്യ പ്രിയയുടെയും മകൻ ഇസഹാഖ് കുഞ്ചാക്കോയുടെയും ചിത്രം പങ്കുവെച്ച് നടൻ കുഞ്ചാക്കോ ബോബൻ. എന്റെ പ്രണയത്തിന്റെ ഏറ്റവും സന്തോഷകരമായ പുഞ്ചിരി എന്ന് കുറിച്ചുകൊണ്ടാണ് കുഞ്ചാക്കോ ഫോട്ടോ ഫേസ്ബുക്കിൽ പങ്കുവെച്ചത്.

ബോബൻ കുഞ്ചാക്കോ അഥവാ ഇസഹാക് കുഞ്ചാക്കോ എന്നാണ് മകന് താരം നൽകിയിരിക്കുന്ന പേര്.ഇസ എന്നാണ് കുഞ്ഞിന്റെ വിളിപ്പേര്. താരത്തിന് കുഞ്ഞുണ്ടായ അന്ന് മുതൽ ആരാധകർ പ്രവചിച്ചിരുന്ന പേരായിരുന്നു ബോബൻ കുഞ്ചാക്കോ എന്നത് .

പതിനാല് വർഷത്തെ കാത്തിരിപ്പിനു ശേഷമാണ് കുഞ്ചാക്കോ ബോബനും ഭാര്യ പ്രിയയ്ക്കും കുഞ്ഞ് പിറന്നത്. ബൈബിളിൽ അബ്രഹാമിനും ഭാര്യ സാറയ്ക്കും ഏറെ കാത്തിരുന്ന് ലഭിച്ച കുഞ്ഞാണ് ഇസഹാഖ്. പതിനാലു വർഷത്തെ കാത്തിരിപ്പിനൊടുവിൽ ജീവിതത്തിലേക്ക് വന്ന കണ്മണിയ്ക്കും അതേ പേരു തന്നെ നൽകിയിരിക്കുകയാണ് ചാക്കോച്ചനും പ്രിയയും. കുഞ്ചാക്കോ ബോബൻ 2005 ലാണ് പ്രിയയെ വിവാഹം ചെയ്യുന്നത്.





Content Highlight:Kunchako Boban Son Ishahak Kunchako, Priya Kunchacko Boban,Kunchako Boban Son lates Pictures

ഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നുഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നു

May 12, 2019, 12:25 pm

≫ Next: 'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു 'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു

≪ Previous: 'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍'ഇതാ ഏറ്റവും സന്തോഷകരമായ പുഞ്ചിരി'-ഭാര്യയുടേയും മകന്‍റേയും ചിത്രം പങ്കുവെച്ച് കുഞ്ചാക്കോ ബോബന്‍

$

0

0

ബെംഗളൂരു: മണിപ്പൂർ സമരനായിക ഇറോംശർമിളയ്ക്ക് ഇരട്ട പെൺകുഞ്ഞുങ്ങൾ പിറന്നു. ബെംഗളൂരുവിലെ ക്ലൗഡ് നയൻ ആശുപത്രിയിൽ ഞായറാഴ്ച രാവിലെ 9.21ഓടെയാണ് 46കാരിയായ ഇറോമിന് ഇരട്ടക്കുട്ടികൾ പിറന്നത്.

ഒരുമിനുട്ടിന്റെ വ്യത്യാസത്തിൽ പിറന്നുവീണ കുഞ്ഞുങ്ങൾക്ക് നിക്സ് ഷാഖി, ഓട്ടം താര എന്നാണ് പേരുകൾ നൽകിയിരിക്കുന്നത്. അമ്മയും കുഞ്ഞുങ്ങളും ആരോഗ്യത്തോടെയിരിക്കുന്നുവെന്ന് ക്ലൗഡ് നയൻ ആശുപത്രി അധികൃതർ അറിയിച്ചു.

സിസേറിയൻ ആയതിനാൽ ചെറിയ അസ്വസ്ഥതകൾ ഇറോമിനുണ്ട്. കുട്ടികളുടേയും അമ്മയുടേയും ചിത്രം വൈകാതെ പുറത്തുവിടുമെന്നും ആശുപത്രി അധികൃതർ അറിയിച്ചു. അടുത്തയാഴ്ചയായിരുന്നു പ്രസവം പ്രതീക്ഷിച്ചിത്.എന്നാൽ മാതൃദിനത്തിൽ തന്നെ കുഞ്ഞുങ്ങൾ പിറന്നത് ഏറെ യാദൃശ്ചികമാണെന്നും ഇറോമും ഭർത്താവ് ഡെസ്മോണ്ട് കുടിഞ്ഞോയും ഏറെ സന്തോഷത്തിലാണെന്നും ഇറോമിന്റെ ഡോക്ടർ ശ്രീപാദ വിനേകർ പറഞ്ഞു.

മണിപ്പൂരിന്റെ ഉരുക്കുവനിത എന്നറിയപ്പെടുന്ന ഇറോം ചാനു ശർമിള 2017ലാണ് ബ്രിട്ടീഷ് പൗരനായ ഡെസ്മണ്ട് കുടിഞ്ഞോയെ വിവാഹം ചെയ്തത്.

മണിപ്പൂരിൽ സൈന്യത്തിന് കൂടുതൽ അധികാരം നൽകുന്ന അഫ്സ്പ നിയമത്തിനെതിരേ വർഷങ്ങൾ നീണ്ട നിരാഹാര സമരം നടത്തിയ മനുഷ്യാവകാശ പ്രവർത്തകയാണ് ഇറോം ശർമിള. 2000 നവംബർ രണ്ട് മുതൽ 16 വർഷം നീണ്ട നിരാഹാര സമരം തുടർന്നിട്ടും ഭരണ കൂടത്തിൽ നിന്നും അനുകൂല പ്രതികരണമുണ്ടാവാത്ത സാഹചര്യത്തിൽ ഇറോം സമരം അവസാനിപ്പിച്ചു.അഫ്സ്പയ്ക്കെതിരെ നിയമപോരാട്ടം നടത്തിയ ഇറോം2017ലെ നിയമസഭാ തിരഞ്ഞെടുപ്പിൽ മത്സരിച്ചെങ്കിലും പരാജയപ്പെട്ടിരുന്നു.

Content Highlight:Irom Sharmila becomes a mother, Irom Chanu Sharmila

'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു 'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു

May 13, 2019, 1:28 am

≫ Next: 80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍

≪ Previous: ഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നുഇറോം ശര്‍മിളയ്ക്ക് ഇരട്ട പെണ്‍കുഞ്ഞുങ്ങള്‍ പിറന്നു

$

0

0

മാതൃദിനത്തിൽ എല്ലാവരും അമ്മമാർക്ക് ആശംസകൾ നേരുമ്പോൾ സ്വന്തം മാതൃത്വത്തെക്കുറിച്ച് ഹൃദയം തൊടുന്ന കുറിപ്പ് എഴുതിരിക്കുകയാണ് അവതാരകയും എഴുത്തുകാരിയുമായ അശ്വതി ശ്രീകാന്ത്. കുഞ്ഞിന്റെ നിർത്താതെയുള്ള കുഞ്ഞുകരച്ചിലുകളെക്കുറിച്ചും മകൾക്കൊപ്പമുള്ള ജീവിതത്തെക്കുറിച്ചും ഹൃദയത്തിൽ തൊടുന്ന കുറിപ്പാണ് അശ്വതി എഴുതിരിക്കുന്നത്. ദുബായിൽ റേഡിയോ അവതാരകയായിരുന്ന കാലത്താണ് അശ്വതിക്ക് പത്മ ജനിക്കുന്നത്. പ്രസവത്തിന് ഒരാഴ്ച മുൻപ് വരെയും അശ്വതി ജോലിയ്ക്ക് പോയിരുന്നു. ഇടയ്ക്കുള്ള ചെറിയ കിതപ്പുകളും രാത്രിയിലെ മസിലുരുണ്ടു കയറ്റവും ഒഴിച്ചാൽ ഗർഭകാലം അത്ര കഠിനമായിരുന്നില്ല. എന്നാൽ കുഞ്ഞിന്റെ ജനനശേഷം ഉണ്ടായ അനുഭവങ്ങളെക്കുറിച്ചാണ് അശ്വതിയുടെ കുറിപ്പ്.

ഫേസ്ബുക്ക് കുറിപ്പിന്റെ പൂർണരൂപം

ഞാനൊരു നല്ല അമ്മയല്ലേ എന്ന ചോദ്യം എന്നോട് തന്നെ ചോദിച്ച് അല്ല എന്ന് നിർദാക്ഷിണ്യം ഉത്തരം കൊടുത്ത് വിഷാദത്തിലേയ്ക്ക് ഞാനെത്ര വട്ടം കൂപ്പു കുത്തിയിട്ടുണ്ടെന്നറിയാമോ ??

അപ്പോഴൊക്കെ ചേർത്ത് നിർത്തി ഭർത്താവ് ചോദിക്കും നീ നല്ല അമ്മയല്ലെങ്കിൽ പിന്നെ ആരാടി നല്ല അമ്മ !! ആ ഒരു ചോദ്യത്തിന്റെ ബലത്തിൽ ഞാൻ വീണ്ടും നിവർന്നു നിൽക്കും .

ദുബായിൽ റേഡിയോ അവതാരകയായിരുന്ന കാലത്താണ് പത്മ ജനിക്കുന്നത്. പ്രസവത്തിന് ഒരാഴ്ച മുൻപ് വരെയും ജോലിയ്ക്ക് പോയിരുന്നു. ഇടയ്ക്കുള്ള ചെറിയ കിതപ്പുകളും രാത്രിയിലെ മസിലുരുണ്ടു കയറ്റവും ഒഴിച്ചാൽ ഗർഭകാലം അത്ര കഠിനം ഒന്നുമില്ലായിരുന്നു.കടിഞ്ഞൂൽ പ്രസവമായതു കൊണ്ട് പന്ത്രണ്ടു മണിക്കൂർ വരെ ലേബർ പെയിൻ പ്രതീക്ഷിക്കാമെന്ന് പറഞ്ഞ ഡോക്ടറെ പോലും അമ്പരപ്പിച്ച് വെറും നാലു മണിക്കൂറിനുള്ളിൽ സുഖ പ്രസവം (അനുഭവിക്കുന്നവർക്ക് അത്ര സുഖമല്ലെങ്കിലും)

മറ്റേർണിറ്റി ലീവ് മുഴുവൻ കുഞ്ഞുണ്ടായതിനു ശേഷം എടുക്കാം എന്ന് തീരുമാനിച്ചതിനാൽ ഏഴാം മാസത്തിലെ നാട്ടിൽ പോക്കുണ്ടായില്ല. പ്രസവ സമയത്ത് അമ്മയ്ക്ക് എത്താനും കഴിഞ്ഞില്ല. ഭർത്താവിന്റെ അമ്മയായിരുന്നു കൂടെയുണ്ടായിരുന്നത്. നാട്ടിൽ നിന്നും സഹായത്തിനു കൊണ്ടു വന്ന ഒരു ചേച്ചിയും.

ജനിച്ച ആദ്യ ദിവസം രാത്രി കുഞ്ഞ് സുഖമായുറങ്ങി. ഭാഗ്യം, രാത്രി ഉറങ്ങുന്നുണ്ടല്ലോ എന്ന് ഞങ്ങൾ ആശ്വാസം പറഞ്ഞു. പക്ഷേ അത് പിന്നീടങ്ങോട്ട് വർഷങ്ങൾ നീളുന്ന ഉറക്കമില്ലാത്ത രാത്രികളുടെ തുടക്കം മാത്രമായിരുന്നു.
പത്മ പകലൊക്കെ ഉറങ്ങി രാത്രി മുഴുവൻ ഉണർന്നു കരഞ്ഞു കൊണ്ടേയിരുന്നു. കൈക്കുഞ്ഞുങ്ങളെ എടുക്കാൻ പോലും വശമില്ലായിരുന്ന ഞാനും ഏതൊരമ്മയെയും പോലെ കുഞ്ഞിനെയെയും എടുത്ത് രാവെളുക്കുവോളം മുറിയിലൂടെ നടന്നു. പാലു തികയാഞ്ഞിട്ടാകുമെന്ന അടക്കം പറച്ചിലുകൾക്കൊടുവിൽ കുപ്പിപ്പാലും രംഗപ്രവേശം ചെയ്തു. അന്നെനിക്കത് കടുത്ത അപമാനമായാണ് അനുഭവപ്പെട്ടത്. എന്റെ കുഞ്ഞിന്റെ വിശപ്പടക്കാൻ പോലും കഴിവില്ലെങ്കിൽ ഞാനെന്ത് അമ്മയാണെന്ന് ഞാൻ ആരും കാണാതെ കരഞ്ഞു.

എന്റെ അമ്മ അടുത്തില്ലാത്ത കുറവ് അറിയിക്കാതിരിക്കാൻ ഭർത്താവിന്റെ അമ്മ സ്വന്തം അനാരോഗ്യം മറന്ന് പ്രസവ ശുശ്രൂഷകൾ തന്നു കൂടെ തന്നെയുണ്ടായിരുന്നു. പക്ഷേ എന്നിട്ടും അമ്മ പോലും കുഞ്ഞിനെ എന്റെ അടുത്ത് നിന്ന് എടുത്തു കൊണ്ട് പോകുന്നത് എനിക്ക് കടുത്ത അസ്വസ്ഥതയുണ്ടാക്കി. കറുത്തിരുണ്ടു പോയ കഴുത്തും സഞ്ചി പോലെ തൂങ്ങിപ്പോയ വയറും കണ്ണാടിയിൽ കണ്ട് ഇതൊന്നും ഇനിയൊരിക്കലും പഴയതു പോലെയാവില്ലെന്നു സ്വയം ഉറപ്പിച്ചു. രാത്രി ജോലി കഴിഞ്ഞെത്തുന്ന ഭർത്താവിനോട് ഞാൻ അകാരണമായി വഴക്കുകൾ ഉണ്ടാക്കി. കുഞ്ഞിന്റെ നിർത്താത്ത കരച്ചിൽ കേൾക്കുമ്പോൾ പലപ്പോഴും ഞാൻ ആറാം നിലയിലെ ബാൽക്കണിയിൽ നിന്ന് താഴേയ്ക്ക് ചാടിയാലോ എന്നാലോചിച്ചു.

നാട്ടിൽ നിന്നും എന്റെ അമ്മ വിളിക്കുമ്പോഴൊക്കെ ഞാൻ സന്തോഷത്തിലാണോ എന്ന് ആവർത്തിച്ച് അന്വേഷിച്ചു. അല്ലെന്നു ഞാൻ ആരോടും പറഞ്ഞില്ല. ഗർഭിണിയായിരുന്നപ്പോൾ പാതിരാത്രി പോലും എഴുന്നേറ്റ് ഭക്ഷണം കഴിച്ചിരുന്ന എനിക്ക് വിശപ്പേ ഇല്ലാതായി. പ്രസവം കഴിഞ്ഞാൽ നാല്പത്തൊന്നു ദിവസത്തേയ്ക്കോ മറ്റോ വെജിറ്റേറിയൻ മാത്രമേ കഴിക്കാവൂ എന്ന അലിഖിത നിയമം സഹിക്കാനാവാതെ അമ്മ തന്ന ഭക്ഷണം പലതും ആരുമറിയാതെ വേസ്റ്റ് കുട്ടയിലിട്ടു. ഞാൻ എന്നോട് തന്നെ യുദ്ധം പ്രഖ്യാപിച്ചു. ലോകത്താർക്കും എന്നോട് സ്നേഹമില്ലെന്നു ഞാൻ ഉറച്ചു വിശ്വസിച്ചു.പ്രസവ ശേഷം പല സ്ത്രീകളും കടന്നു പോകുന്ന ഇത്തരം മാനസിക അവസ്ഥകളെക്കുറിച്ച് വായിച്ചും കെട്ടും അറിഞ്ഞിരുന്നത് കൊണ്ട് മാത്രം ഇതും കടന്നു പോകുമെന്ന് ഉള്ളിലിരുന്ന് ആരോ പറഞ്ഞു കൊണ്ടിരുന്നു.

മുലപ്പാലും കുപ്പിപ്പാലും മാറി മാറി കൊടുത്തിട്ടും ഗ്യാസിനുള്ള മരുന്നുകൾ കൊടുത്തിട്ടും കടുകും മുളകുമുഴിഞ്ഞ് ഗ്യാസ് അടുപ്പിന്റെ പരിധികളിൽ നിന്ന് കത്തിച്ചിട്ടും പത്മ രാത്രികളിൽ നിർത്താതെ കരഞ്ഞു കൊണ്ടേയിരുന്നു. ഉറക്കമില്ലാത്ത രാത്രികൾ പുതുമയല്ലാതായി. അപ്പോഴേയ്ക്കും അമ്മയുടെ വിസയുടെ കാലാവധിയും എന്റെ പ്രസവാവധിയും കഴിഞ്ഞിരുന്നു.

സഹായത്തിന് വന്ന ചേച്ചിയെ കുഞ്ഞിനെ ഏൽപ്പിച്ച് ഞാൻ ആദ്യമായി ജോലിക്ക് പോയ ദിവസം. ഓഫീസിലെത്തി അധികം വൈകും മുൻപേ ചേച്ചിയുടെ ഫോൺ വന്നു. കുഞ്ഞ് നിർത്താതെ കരയുകയാണ്. ആരെങ്കിലും ഒന്ന് പെട്ടെന്ന് വരണം. ഞാൻ ഷോയ്ക്കു കയറാൻ സ്റ്റുഡിയോയുടെ മുന്നിൽ നിൽക്കുകയാണ്. ഷോ ചെയ്യാതെ ഇറങ്ങിയാൽ പോലും വീട്ടിലെത്താൻ ഒരു മണിക്കൂറെടുക്കും. ഭർത്താവിനെ വിളിച്ച് ഉടനെ വീട്ടിലെത്താൻ പറഞ്ഞു. ശ്രീ വീട്ടിലെത്തുമ്പോൾ നിർത്താതെ കരയുന്ന കുഞ്ഞിന്റെ തലയ്ക്കൽ ബൈബിളും കൊന്തയും എടുത്ത് വച്ച് ചേച്ചി പേടിച്ച് വിറച്ചിരിക്കുകയാണ്. ഞാൻ പോയതിൽ പിന്നെ കുഞ്ഞ് വാ പൂട്ടിയിട്ടില്ല. ഫ്രിഡ്ജിൽ പിഴിഞ്ഞ് വച്ച് പോയ മുലപ്പാലോ കുപ്പിപ്പാലോ ഒരു തുള്ളി ഇറക്കിയിട്ടില്ല. കരഞ്ഞു തളർന്നിട്ടും ഉറങ്ങുന്നില്ല. ശ്രീ, കുഞ്ഞിനേയും ചേച്ചിയെയും കൂട്ടി ഒരു മണിക്കൂർ ട്രാഫിക്കും കടന്ന് എന്റെ ഓഫീസിലെത്തി. വഴി തീരുവോളം കുഞ്ഞ് കരഞ്ഞു കൊണ്ടേയിരുന്നു. ഷോയുടെ ഇടയിൽ നിന്ന് പാഞ്ഞിറഞ്ഞി താഴെ വന്ന് കുഞ്ഞിനെ ഞാൻ കൈയിൽ വാങ്ങുമ്പോൾ അവൾ കരഞ്ഞു തളർന്ന് അൽപ്പ പ്രാണനായിരുന്നു.

അമ്മയതെവിടാരുന്നു എന്ന മട്ടിൽ അവളെന്റെ മുഖത്തേയ്ക്ക് ദയനീയമായി നോക്കി, ഞാൻ തൊട്ട മാത്രയിൽ കരച്ചിൽ നിർത്തി എന്റെ നെഞ്ചിൽ പറ്റിച്ചേർന്നു പാൽ കുടിച്ചുറങ്ങി. രണ്ടര മാസം മാത്രം പ്രായമുള്ള കുഞ്ഞിനെ ഇട്ടിട്ട് ജോലിക്ക് പോയതിൽ എനിക്ക് എന്നോട് തന്നെ വെറുപ്പ് തോന്നി. പക്ഷേ ഒരു തരത്തിലും ജോലി ഉപേക്ഷിക്കാൻ പറ്റുന്ന സാഹചര്യത്തിൽ ആയിരുന്നില്ല അന്ന് ഞങ്ങൾ.ഏതും പോരാത്തൊരു കൊച്ചെന്ന് സർട്ടിഫിക്കറ്റ് തന്ന് കുഞ്ഞിന്റെ വാശിക്കരച്ചിലിനു മുന്നിൽ അടിയറവു പറഞ്ഞ് ജോലിക്ക് വന്ന ചേച്ചി അഞ്ചു മാസം തികയും മുൻപേ തിരികെ പോയപ്പോഴാണ് കാര്യങ്ങൾ ആകെ തകിടം മറിഞ്ഞത്. എനിക്ക്ഒരു ലീവ് പോലും ബാക്കിയില്ല.

എന്റെ അവസ്ഥ അറിഞ്ഞപ്പോൾ കുഞ്ഞിനെ കൂടി ഓഫീസിൽ കൊണ്ട് ചെല്ലാൻ മാനേജ്മന്റ് അനുവാദം തന്നു. അങ്ങനെ അമ്മയും കുഞ്ഞും ഒരുമിച്ച് റേഡിയോ ജീവിതം തുടങ്ങി. കുഞ്ഞിനുള്ള കുറുക്ക് മുതൽ അരച്ച ചോറ് വരെ പല ഫഌസ്ക്കുകളിൽ ആക്കി, പാമ്പേഴ്സും ഫഌനലുകളും വെറ്റ് വൈപ്സും വച്ച ബേബി ബാഗൊരുക്കി ഞങ്ങൾ എട്ടു മണിക്കൂർ ഓഫീസ് ഡ്യൂട്ടിക്ക് പോയി. പത്മ ആരുമായും പെട്ടന്ന് ഇണങ്ങുന്ന കുട്ടി ആയിരുന്നില്ല. അതുകൊണ്ട് ഞാൻ ഓരോ തവണ സ്റ്റുഡിയോയിൽ കയറുമ്പോഴും പുറത്തു സ്ട്രോളറിൽ കിടന്ന് അവൾ വാവിട്ട് നിലവിളിച്ചു. അടുത്ത പാട്ടിന്റെ ഇടവേളയിൽ ഞാൻ തിരിച്ച് ഇറങ്ങും വരെ. ഞാൻ ഷോ ചെയ്യുമ്പോഴെല്ലാം അവളെ എടുത്ത് കൊണ്ട് നടന്നതും ഫുഡ് കൊടുത്തതും സാന്ത്വനിപ്പിച്ചതും എന്റെ നല്ലവരായ സഹപ്രവർത്തകരായിരുന്നു. എല്ലാം ദിവസവും കാണുമെങ്കിലും പത്മ അൽപ്പമെങ്കിലും ഇണങ്ങിയത് ചുരുക്കം ചിലരോടാണ്.

എല്ലാവരും സഹായിച്ചെങ്കിലുംസ്റ്റുഡിയോയിൽ നിരന്തരം കേൾക്കുന്ന കുഞ്ഞി കരച്ചിലുകൾ ചിലരെയെങ്കിലും അസ്വസ്ഥരാക്കുന്നുണ്ടായിരുന്നു. അവരെയും കുറ്റം പറയാനാവില്ല. ഇത്ര വാശിയ്ക്ക് മണിക്കൂറുകൾ നിർത്താതെ കരയുന്ന കുട്ടിയെ അവരാരും കണ്ടിരുന്നില്ല.ഇങ്ങനുണ്ടോ നശൂലം പിടിച്ച പിള്ളേര്...എന്തൊരു കരച്ചിലാത് എന്ന് ഒരു സഹപ്രവർത്തകൻ പറയുന്നത് അവിചാരിതമായി കേട്ടു കൊണ്ട് ഇറങ്ങി വന്ന ദിവസം രാത്രി മുഴുവൻ ഞാൻ അവളെ ചേർത്ത് പിടിച്ച് വാവിട്ട് കരഞ്ഞു.
കുഞ്ഞിങ്ങനെ വഴക്കുണ്ടാക്കിയാൽ അമ്മ എന്തു ചെയ്യും ന്നു ദയനീയമായി ഞാൻ ചോദിക്കുമ്പോഴൊക്കെ അവൾ എന്റെ മുഖത്തു നോക്കി മോണ കാട്ടി നിഷ്ക്കളങ്കമായി ചിരിച്ചു. ആ മുഖം കാണുമ്പോൾ മാത്രമാണ് ഞാൻ ജീവിക്കാൻ ആഗ്രഹിച്ചത്. വീട്ടു ജോലി, ഓഫീസ് ജോലി, കുഞ്ഞിന്റെ കാര്യങ്ങൾ, ഭർത്താവിന്റെ തിരക്കുകൾ, നിരന്തരമായ ഉറക്കമില്ലായ്മ ഒക്കെ കൂടി എന്റെ മനസ്സിന്റെയും ശരീരത്തിന്റെയും താളം പോലും തെറ്റിച്ചു തുടങ്ങിയിരുന്നു. പുതിയൊരു ജീവിതത്തിന്റെ രണ്ടറ്റം കൂട്ടി മുട്ടിക്കാൻ ഓടി നടക്കുന്ന ഭർത്താവിന് സഹായിക്കാൻ പറ്റുന്നതിന് പരിധികളുണ്ടായിരുന്നു.

കുഞ്ഞിനേയും കൊണ്ട് മൂന്ന് മാസത്തോളം ജോലിക്ക് പോയി. അപ്പോഴേയ്ക്കും ശ്രീയുടെ അച്ഛനും അമ്മയും ദുബായിലെത്തി. പകൽ പത്മ അവരോടൊപ്പം വീട്ടിൽ മിടുക്കിയായിരുന്നു തുടങ്ങി. പക്ഷേ രാത്രി രണ്ടു മണി മുതൽ വെളുക്കുവോളം നീളുന്ന കരച്ചിലിന് ഒരു മാറ്റവുണ്ടായില്ല.

പത്മയ്ക് ഒന്നര വയസ്സായപ്പോഴാണ് ഫ്ളവേഴ്സ് ചാനലിൽ നിന്ന് വിളി വരുന്നത്. മാസത്തിൽ നാലു ദിവസത്തെ ഷൂട്ട് എന്ന വ്യവസ്ഥയിൽ. ജോലി ചെയ്തിരുന്ന റേഡിയോ സ്റ്റേഷന്റെ നിലനിൽപ്പ് തന്നെ പ്രശ്നത്തിലായിരുന്നത് കൊണ്ടും അതെനിക്ക് ഉണ്ടാക്കുന്ന സ്ട്രെസ്സിൽ നിന്ന് ഒരു മാറ്റം നന്നായിരിക്കും എന്ന് കരുതിയത് കൊണ്ടും അത് ഏറ്റെടുക്കാൻ തീരുമാനിച്ചു. നാലു ദിവസത്തെ ഷൂട്ട് കഴിഞ്ഞാൽ ബാക്കി ദിവസങ്ങൾ കുഞ്ഞിന്റെ കൂടെ കിട്ടുമല്ലോ എന്ന പ്രതീക്ഷയും. മുലകുടി മാറിയിട്ടില്ലാത്തതു കൊണ്ട് കുഞ്ഞിനേയും കൊണ്ടാണ് ഞാൻ ഷൂട്ടിന് ഓരോ തവണയും നാട്ടിൽ പോയിരുന്നത്. ഷോ ചുരുങ്ങിയ സമയത്തിൽ ശ്രദ്ധിക്കപ്പെട്ടു. ഷൂട്ട് പക്ഷേ മാസത്തിൽ ഒരു ഷെഡ്യൂൾ എന്നതിൽ നിന്ന് മൂന്ന് വരെ നീണ്ടു. വാശിക്കാരി കുഞ്ഞി പെണ്ണിനേയും കൊണ്ടുള്ള വിമാന യാത്ര പതിവായപ്പോൾ അത് എന്റെയും അവളുടെയും ആരോഗ്യത്തെ ബാധിച്ചു തുടങ്ങി. ഹിറ്റായി കഴിഞ്ഞ ഷോ നിർത്താൻ നിർവാഹമില്ല. പലവട്ടം എല്ലാം നിർത്തി കുഞ്ഞിനെ നോക്കി വീട്ടിലിരുന്നാലോ എന്ന് ആലോചിച്ചിട്ടുണ്ട്. അപ്പോഴൊക്കെ ഭർത്താവും വീട്ടുകാരും സുഹൃത്തുക്കളും പറയും കുഞ്ഞ് നാളെ വളർന്ന് അവളുടെ വഴിയ്ക്ക് പോകും, ഇന്ന് വേണ്ടെന്ന് വയ്ക്കുന്ന കരിയർ അന്ന് നിനക്കു കിട്ടിയെന്നു വരില്ല

നിരന്തരമുള്ള യാത്രകൾ കൊണ്ടും മണിക്കൂറുകൾ നീളുന്ന ഷൂട്ടിങ്ങിലെ നിൽപ്പ് കൊണ്ടും എനിക്ക് നടുവേദന വന്നു തുടങ്ങിയിരുന്നു. കൂടെ കാൽസ്യം ഡെഫിഷെൻസിയും. പത്മയാണെങ്കിൽ വളരും തോറും മുലപ്പാൽ അല്ലാതെ മറ്റൊന്നും വേണ്ട എന്ന് വാശി പിടിച്ചു തുടങ്ങി. മുലകുടി നിർത്തേണ്ടത് അമ്മയുടെയും കുഞ്ഞിന്റെയും ആരോഗ്യത്തിന് അത്യാവശ്യമാണെന്ന് ഡോക്ടർ തറപ്പിച്ചു പറഞ്ഞപ്പോഴാണ് മനസ്സില്ലാ മനസ്സോടെ ചെന്നി നായകത്തെ കൂട്ട് പിടിച്ചത്. മുലപ്പാലിൽ ആദ്യമായി കയ്പ്പറിഞ്ഞ കുഞ്ഞ് വാവിട്ട് നില വിളിച്ചപ്പോൾ കടുത്ത കുറ്റബോധത്താൽ ഞാൻ കൂടെ കരഞ്ഞു. എന്നാൽ കരച്ചിലിനിടയിലും വലിച്ചെടുത്ത കയ്പ്പ് നീർ തുപ്പി കളഞ്ഞ് അവൾ വീണ്ടും പാല് കുടിച്ചു...ചെന്നി നായകവും, പാവയ്ക്കാ നീരും പലപ്പോഴായി കുഞ്ഞിപ്പെണ്ണിന്റെ വാശിക്ക് മുന്നിൽ തോറ്റു പോയി. ഒടുവിൽ നാട്ടിലെത്തിയപ്പോൾ എന്റെ അമ്മ നിര്ബദ്ധപൂർവം അവളെ എന്റെ അടുത്ത് നിന്ന് മാറ്റിക്കിടത്തി. രാത്രി മുഴുവൻ അവൾ അമ്മയുടെ അടുത്ത് കിടന്ന് പാപ്പം പാപ്പം എന്ന് നിലവിളിച്ചത് കേട്ട് ഇപ്പുറത്തെ മുറിയിൽ ഞാൻ കരഞ്ഞ് നേരം വെളുപ്പിച്ചു. അങ്ങനെ അവൾ കാണാതെ നാലു ദിവസം ഒരേ വീട്ടിൽ ഞങ്ങൾ ഒളിച്ചു കളിച്ചു. ഒടുവിൽ പത്മ പാല് കുടിക്കാതെ ഉറങ്ങാൻ പഠിച്ചു.

മുലകുടി മാറിയത് കൊണ്ട് ഇനിയൊന്നു മാറ്റി നിർത്തി നോക്കാമെന്നു കരുതി ഒരിക്കൽ
പത്മയെ ശ്രീയെയും പേരെന്റസിനെയും ഏൽപ്പിച്ച് ഒന്ന് രണ്ടു ദിവസത്തേയ്ക്ക് ഞാൻ നാട്ടിൽ വന്നു നോക്കി. ആ ദിവസങ്ങളിൽ അടുത്ത ഫ്ലാറ്റുകളിൽ ഉള്ളവരെ പോലും ഉറക്കാതെ അവൾ നിലവിളിച്ചു. അമ്മയിൽ കുറഞ്ഞ ഒന്നിലും അവൾ കോംപ്രമൈസ് ചെയ്യാൻ തയ്യാറല്ലായിരുന്നു. ഷൂട്ടിങ്ങിന്റെ ഇടവേളകളിൽ ഓരോ വട്ടം വീട്ടിലേയ്ക്ക് വിളിക്കുമ്പോഴും അവളുടെ കരച്ചിലുകൾ എന്റെ നെഞ്ചു മുറിച്ചു. മേക്ക് അപ്പ് റൂമിലിരുന്ന് കരയുന്ന ഞാൻ അവിടെയുള്ളവർക്ക് പതിവ് കാഴ്ചയായി. ഓരോ തവണ അടുത്ത ഷൂട്ടിന്റെ തീയതി അറിയുമ്പോഴും ഞാൻ കടുത്ത സമ്മർദ്ദത്തിലായി.ഒടുവിൽ ഞാൻ തോൽവി സമ്മതിച്ചു. ഷോ നിർത്തി. എല്ലാം നിർത്തി. ഒരു വർഷത്തോളം നീണ്ട ഇടവേള. പലയിടത്തു നിന്നും സിനിമ ഉൾപ്പെടെ പല ഓഫറുകളും വന്നു പോയി. കുഞ്ഞിനെ മാറി നില്ക്കാൻ വയ്യ എന്ന കാരണം പറഞ്ഞ് ഒക്കെയും മടക്കി. സ്വന്തം അച്ഛനോട് പോലും അധികം കൂട്ട് കൂടാതെ പത്മ എന്നോട് ഒട്ടി ഒട്ടി ഒരമ്മക്കുട്ടി മാത്രമായി.

പ്ലേ സ്കൂളിൽ വിട്ടാൽ ഈ അമ്മയൊട്ടൽ കുറയുമെന്ന് കരുതിയപ്പോൾ അവിടെയും അവൾ എന്നെ കരഞ്ഞു തോൽപ്പിച്ചു. വെറുതെ വീട്ടിലിരുന്നാൽ എന്റെ കരിയറിലെ നല്ല സമയം മുഴുവൻ പോകുമെന്നും ചുമ്മാ ഇരുന്നാൽ കവിതയെഴുതി ഡിപ്രെഷൻ അടിക്കുമെന്നും അറിയാവുന്ന ഭർത്താവാണ് നാട്ടിലേയ്ക്ക് പോകുന്നോ എന്ന് ചോദിച്ചത്. അങ്ങനെ പത്ത് വർഷം പ്രണയിച്ചു വിവാഹം കഴിച്ചപ്പോൾ ഒരിക്കലും പിരിഞ്ഞ് നിൽക്കില്ലെന്ന് ശപഥം ചെയ്തിരുന്ന ഞങ്ങൾ രണ്ടിടത്തായി.

പുറത്ത് നിന്ന് കാണുന്നവർ എങ്ങനെ ഇത്ര കൗണ്ടർ അടിക്കുന്നു, എങ്ങനെ എപ്പോഴും ഇങ്ങനെ ചിരിക്കാൻ പറ്റുന്നു, നിങ്ങൾക്കൊക്കെ എന്ത് സന്തോഷാല്ലേ എന്നൊക്കെ ചോദിക്കുമ്പോൾ ഞാൻ ഉള്ളിൽ ചിരിക്കും. ഷൂട്ട് കഴിഞ്ഞ് രാത്രി ഒരു മണിക്ക് കടുത്ത തല വേദനയുമായി വീട്ടിലെത്തി നിർത്താതെ കരയുന്ന കുഞ്ഞിനെ തോളിലിട്ട് വെളുക്കുവോളം ഇരുട്ടിൽ നടക്കുന്ന എന്നെ ഓർക്കും. ഉറക്കവും ക്ഷീണവും സങ്കടവും സഹിക്ക വയ്യാതെ കുളിമുറിയിൽ പാതിരാത്രി കുഴഞ്ഞ വീണ എന്നെ ഓർക്കും. അമ്മ പോണ്ടാ...ന്ന പത്മയുടെ നിർത്താത്ത കരച്ചിലോർക്കും. കൊച്ചു കഴിഞ്ഞുള്ള ജോലിയൊക്കെ മതിന്നു വയ്ക്കും സ്നേഹൊള്ള അമ്മമാർ എന്ന പരോക്ഷമായ ചില കുത്തുവാക്കുകളോർക്കും.

പത്മയ്ക്കിപ്പോൾ അഞ്ചര വയസ്സായി. ഞാൻ മാസത്തിൽ നാലോ അഞ്ചോ ദിവസം മാത്രമാണ് ഷൂട്ടിന് പോകാറ്. കൊച്ചിയിൽ നടക്കുന്ന ചാനൽ ഷൂട്ടുകൾ രാത്രി പന്ത്രണ്ടു മണിയ്ക്ക് തീർന്നാലും തിരികെ തൊടുപുഴയിലെ വീട്ടിലെത്തി അവളോടൊപ്പമാണ് ഉറങ്ങാറ്. രാത്രി ഉറക്കത്തിൽ കരയുന്ന ശീലം അവൾക്കിപ്പോഴുമുണ്ട്. പണ്ടത് കാരണമറിയാത്ത കരച്ചിലായിരുന്നെങ്കിൽ ഇപ്പോഴത് കാലു വേദനയാണ്.
ഒന്നിട വിട്ട ദിവസങ്ങളിൽ അത് ഞങ്ങളുടെ ഉറക്കം കളയും. ഞാൻ ഉറങ്ങാതെ അവളുടെ കാലിൽ മെല്ലെ അമർത്തിയാൽ അവൾ ഉറങ്ങും. എന്റെ കൈ അയഞ്ഞാൽ അവൾ ഉണരും. എന്നോട് സഹതാപം തോന്നി എത്രയോ വട്ടം അവളുടെ അച്ഛൻ എനിക്ക് പകരം അവളുടെ കാലിൽ പിടിച്ചിരിക്കുന്നു. ഏതുറക്കത്തിലും അവളത് തിരിച്ചറിയും. അമ്മ മതി ന്ന് വാശി പിടിച്ച് കരയും. അച്ഛൻ എടുത്തോണ്ട് നടക്കാം, അമ്മയൊന്നു ഉറങ്ങിക്കോട്ടെന്നു എത്ര വട്ടം അച്ഛൻ മകളോട് കെഞ്ചിയിരിക്കുന്നു. അപരിചിതരുടെ കൈയിൽ നിന്നെന്ന വണ്ണം അവൾ അച്ഛനെ തള്ളി മാറ്റി എന്റെ നേരെ കുതിച്ച് ചാടും. മ്മ മതീന്ന് അലറി കരയും. ന്റെ പാവം അമ്മപ്രാന്തി !

എന്റെ അമ്മ പരിചയക്കാരോട് പറയാറുണ്ട് പത്തു പിള്ളേരെ വളർത്തണ സ്ട്രെയിൻ എടുത്തിട്ടുണ്ട് അവൾ ഒരെണ്ണത്തിനെ വളർത്താൻ എന്ന്. ഞാനീ അഞ്ചര വർഷത്തിൽ ഏറ്റവും ആഗ്രഹിച്ചിട്ടുള്ളത് ആരുമില്ലാത്ത എവിടെയെങ്കിലും പോയി ഒരു രണ്ടു മൂന്നു ദിവസം മുഴുവൻ കിടന്നുറങ്ങണം എന്നാവും. അവളടുത്തില്ലാതെ ഉറങ്ങാൻ പറ്റില്ലെങ്കിലും....!!

കരിയറും കുടുംബവും എങ്ങനെ ഈസി ആയി മാനേജ് ചെയുന്നു എന്ന് പലരും ചോദിക്കാറുണ്ട്...ഒട്ടും ഈസിയായിരുന്നില്ല എന്നാണ് ഉത്തരം !! ഭർത്താവും വീട്ടുകാരും സുഹൃത്തുക്കളും കൂടെ നിന്നത് കൊണ്ട് മാത്രം സാധിച്ചതാവാം. അല്ലെങ്കിൽ ആഗ്രഹങ്ങളെല്ലാം ഉപേക്ഷിച്ച് ഡിപ്രെഷന്റെ പടുകുഴിയിൽ വീണ്, പിന്നൊരു കാലത്ത് മക്കൾക്ക് വേണ്ടി ജീവിതം ഉഴിഞ്ഞു വച്ചെന്ന കഥ നാഴികയ്ക്ക് നാല്പത് വട്ടം പറഞ്ഞ് പിള്ളേരെ കൂടി വെറുപ്പിച്ചേനെ.

പത്മ : അമ്മ ജോലിക്ക് പോകുമ്പോ ഞാൻ എന്തിനാ കരയുന്നെ എന്നറിയാവോ ??
ഞാൻ : ഇല്ലല്ലോ
പത്മ : എല്ലാ പിള്ളേർക്കും അമ്മമാരെ ഇഷ്ടവല്ലേ...അതിനേക്കാളും കൊറേ കൊറേ കൂടുതൽ ഇഷ്ടമുണ്ട് എനിക്ക് അമ്മയോട്...ഈ ലോകത്ത് വച്ച് ഏറ്റോം ഇഷ്ടം ??

Its not esay to be a mom, but its worth it ??

Happy Mothers Day



Content Highlights: aswathy sreekanth facebook post about mothers day

80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍

May 13, 2019, 3:51 am

≫ Next: വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി

≪ Previous: 'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു 'കുഞ്ഞ് പാപ്പമെന്നു നിലവിളിക്കുന്നത് കേട്ട് ഇപ്പുറത്തെ മുറിയില്‍ ഞാന്‍ കരഞ്ഞ് നേരം വെളുപ്പിച്ചു

$

0

0

മാതൃദിനത്തിൽ അമ്മയ്ക്കൊപ്പം പുഷ്അപ്പ് എടുത്ത് നടനും സൂപ്പർ മോഡലുമായ മിലിന്ദ് സോമൻ. 80 വയസുകാരിയായ അമ്മ മിലിന്ദിനൊപ്പം 16 തവണ പുഷ്അപ്പ് എടുക്കുന്ന വീഡിയോയാണ് ട്വിറ്റിൽ താരം പങ്കുവച്ചിരിക്കുന്നത്. മാതൃദിനത്തിലാണ് മിലന്ദ് ട്വിറ്ററിൽ ഈ വീഡിയോ പോസ്റ്റ് ചെയ്തിരിക്കുന്നത്. മകനൊപ്പം സാരിയിലാണ് അമ്മ പുഷ്അപ്പ് എടുക്കുന്നത്.

പ്രായം വെറും അക്കങ്ങളാണെന്ന് അമ്മ തെളിയിക്കുന്നു, എന്റെ അമ്മ ഇപ്പോഴും ചെറുപ്പമാണ്.എല്ലാ ദിവസവും എനിക്ക് മാത്യദിനമാണെന്നും മിലിന്ദ് ട്വിറ്ററിൽ കുറിക്കുന്നു. ഇത് എല്ലാ അമ്മമാർക്കും ഒരു സന്ദേശമാണെന്നും നിങ്ങൾ എന്തു ചെയ്യുന്നവരാണെങ്കിലും നിങ്ങൾക്ക് വേണ്ടി പത്തുമിനിറ്റ് ചെലവഴിക്കണം എന്നും പുഷ്അപ്പിനു ശേഷം മിലിന്ദ് പറയുന്നുണ്ട്. പുഷ്അപ്പിനുശേഷം മിലിന്ദ് അമ്മയെ കെട്ടിപ്പിടിച്ച് ചുംബിക്കുന്നതും കാണാം.


Its never too late.

Usha Soman, my mother.

80 years young.#mothersday #love #mom #momgoals #fitwomen4fitfamilies #fitness #fitnessmotivation #healthylifestyle #fitterin2019 #livetoinspire make every day mothers day!!!!! 😃😃😃 pic.twitter.com/7aPS0cWxlR
— Milind Usha Soman (@milindrunning) May 12, 2019



Content Highlights:On Mothers Day, Milind Somans 80-Year-Old Mother Does 16 Push-Ups

---

വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി

May 13, 2019, 5:00 am

≫ Next: നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു

≪ Previous: 80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍80 വയസുള്ള അമ്മയ്‌ക്കൊപ്പം പുഷ്അപ്പ് എടുത്ത് മിലിന്ദ് സോമന്‍

$

0

0

കഴിഞ്ഞ ദിവസം സോഷ്യൽ മീഡിയ ഒരു പോളിങ്ങ് ഓഫീസറെ തിരഞ്ഞ് ഇറങ്ങിയതായിരുന്നു. മഞ്ഞ സാരിയുടുത്ത് കുളിങ്ങ് ഗ്ലാസ് ധരിച്ച് കൈയിൽ വോട്ടിങ്ങ് യന്ത്രവുമായി വന്നിറങ്ങിയ പോളിങ് ഓഫീസർ.


मिलिए उस पीठासीन अधिकारी से, जिसके बूथ में 100% मतदान हुआ था।
😜🤣👇@909_jain @anuview7 @rekha_chaubey @iAnishaKapoor @Pallavi_Singh04 @Sona2kill_ @sunita_s28 @Hema_quotes pic.twitter.com/IfWwudpUBs
— Rajendra Singh Tariyal (चौकीदार) (@RTariy) May 12, 2019



തിരഞ്ഞെടുപ്പിൽ ഒരു ബോളിവുഡ് സുന്ദരിയെ പോലെ വന്നിറങ്ങിയ ഇവർ ആരാണെന്ന് അറിയാനുള്ള അന്വേഷണത്തിലായിരുന്നു സോഷ്യൽ മീഡിയ.സമൂഹ്യമാധ്യമങ്ങളിൽ ഇവരെക്കുറിച്ചുള്ള അന്വേഷണവും ഊർജ്ജിതമാക്കി.


*मिलिए उस पीठासीन अधिकारी से, जिसके बूथ में 100% मतदान हुआ था।*
😜🤣👇मतदाता रजिस्टर 27(क) में हस्ताक्षर करती हुई .. मतदान पूर्व तैयारी😛 @Seems3r @desh_bhkt @JayaRjs pic.twitter.com/6ef7gRLSR7
— Vinod Kumar (@vinodkumarbhinc) May 10, 2019



ഇതോടെ സുന്ദരിയായ പോളിങ് ഓഫീസറുടെ പേരും ജോലിയുമൊക്കെ ഇവർ കെണ്ടത്തി. റീന ദ്വിവേദിയാണ് ഈ യുവതി. ഇവർ ലഖ്നൗവിലെ പൊതുമരാമത്ത് വകുപ്പ് ജീവനക്കാരിയാണെന്നാണ് സോഷ്യൽ മീഡിയയുടെ കണ്ടെത്തൽ. മ്യൂസിക്കൽ ആപ്പായ ടിക് ടോക്കിലൂടെയാണ് ആളുകൾ ഇവരെ തിരിച്ചറിഞ്ഞത്.

Content Highlights: Female polling officers photos viral with false claims

നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു

May 13, 2019, 6:12 am

≫ Next: വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു

≪ Previous: വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി വോട്ടിങ് യന്ത്രവുമായി നടന്നുവന്ന അജ്ഞാത സുന്ദരിയെ സോഷ്യല്‍ മീഡിയ കണ്ടെത്തി

$

0

0

ഇംഗ്ലീഷ് മീഡിയം സ്കൂളുകളിൽ പഠിച്ചാൽ മാത്രമേ ജീവിതത്തിൽ വിജയം നേടു എന്ന് ചിന്തിക്കുന്ന ധാരാളം പേർ സമൂഹത്തിൽ ഉണ്ട്. എന്നാൽ മക്കൾക്ക് അഡ്മിഷനു വേണ്ടി ഉയർന്ന സ്കൂളുകൾക്ക് പിന്നാലെ നെട്ടോട്ടമൊടുന്ന മാതാപിതാക്കൾ തീർച്ചായായും വായിച്ചിരിക്കേണ്ട ഫേസ്ബുക്ക് പോസ്റ്റാണ് തമിഴ്നാട് അസിസ്റ്റന്റ് കളക്ടർ സരയൂ മോഹനചന്ദ്രന്റെത്. ബെഞ്ചും ഡെസ്ക്കും ഇല്ലാത്ത സ്കൂളിൽ നിലത്തിരുന്ന് അക്ഷരം പഠിച്ചതിന്റെ അനുഭവങ്ങൾ പങ്കുവയ്ക്കുകയാണ് സരയൂ മോഹന ചന്ദ്രൻ.

സരയൂവിന്റെ ഫേസ്ബുക്ക് കുറിപ്പിന്റെ പൂർണരൂപം

ഏപ്രിൽ മെയ് മാസങ്ങൾ അഡ്മിഷൻ കാലമാണല്ലോ.പരാതിക്കാരിൽ ചിലരെങ്കിലും അടുത്തുള്ള പ്രൈവറ്റ് സ്കൂളിലെ അഡ്മിഷനു ശുപാർശ ചോദിച്ചു വരുന്നവരാണ്. തൃശൂരിൽ നിന്നുമുള്ള മലയാളി കന്യാസ്ത്രീകൾ വളരെ നന്നായി നടത്തി വരുന്ന അൺ എയിഡഡ് സ്കൂളാണ് സെന്റ് മേരീസ് . ഇംഗ്ലീഷ് മീഡിയത്തോടുള്ള കടുത്ത അഭിനിവേശവും അവിടെയുള്ള കർക്കശമായ അധ്യാപന രീതികളുമാവണം മാതാപിതാക്കളെ ഇങ്ങോട്ട് ആകർഷിച്ചിരുന്നത്.

ഇന്നലെ കാണാൻ വന്ന ഒരു രക്ഷിതാവിന് എന്റെ ശുപാർശക്കത്ത് കൂടിയേ തീരൂ.കഴിഞ്ഞവർഷം അതേ സ്കൂളിൽ വാർഷികാഘോഷത്തിന് മുഖ്യാതിഥിയായി ചെല്ലുമ്പോൾ പ്രിൻസിപ്പൽ എന്റെ ചെവിയിൽ പറഞ്ഞതാണ് എനിക്കോർമ്മ വന്നത്:
മാഡം, അടുത്ത അഡ്മിഷൻ സമയാവുമ്പോ ശുപാർശയൊന്നും പറയല്ലേ ട്ടോ, ഞങ്ങൾ pure merit ൽ ആണ് അഡ്മിഷൻ കൊടുക്കുന്നത്. എൽ കെ ജി ക്കാരന് എന്ത് pure merit എന്ന് ഉള്ളിൽ തികട്ടി വന്ന റിബലിസത്തെ ഉള്ളിലടക്കി ,ഗവൺമെന്റ് സ്കൂളുകളിൽ മാത്രമേ ക്ഷണം സ്വീകരിച്ചു പോവൂ എന്ന തീരുമാനത്തിൽ മാറ്റം വരുത്തിയതിൽ ഖേദിച്ചതൊക്കെ ഓർത്തെടുക്കുമ്പോഴാണ് പരാതിക്കാരി എന്നെ വീണ്ടും വിളിക്കുന്നത്.യേൻ മാഡം ,എതുമേ സൊല്ലമാട്ടീങ്ക്ളാ?? എന്നോടെ കൊളന്തയോടെ വാഴ്കൈ ഉങ്ക കൈയ്യിൽ താൻ ... ഞാൻ പറഞ്ഞാലും അഡ്മിഷൻ കിട്ടില്ല എന്ന് പറഞ്ഞിട്ടും അവർ വിടുന്ന ലക്ഷണമില്ല.കയ്യിലിരുന്ന biodata യിൽ എന്നെ കൊണ്ട് recommended എന്നെഴുതി വാങ്ങിയട്ടേ അവർ സമ്മതിച്ചുള്ളൂ.അഡ്മിഷനു വേണ്ടി ഈ കൊടുംചൂടിൽ അലഞ്ഞു തിരിയുന്നതിന്റെ പെടാപ്പാടും ഇപ്പറയുന്ന സ്കൂളിൽ മോൾക്ക് അഡ്മിഷൻ കിട്ടിയില്ലെങ്കിലോ എന്ന ആകുലതയും ഒക്കെ അവർ പറഞ്ഞു തീർത്തപ്പോൾ ഞാൻ ചോദിച്ചു:എന്തിനാ ഇത്രയും കഷ്ടപ്പെടുന്നത്,അടുത്ത് തന്നെ ഒരു govt സ്കൂളും ഗവ.എയിഡഡ് സ്കൂളും ഉണ്ടല്ലോ... അവരുടെ മുഖം മാറി. മാഡത്തിനങ്ങനെയൊക്കെ പറയാം. വലിയ സ്കൂളിൽ ഇംഗ്ലീഷ് മീഡിയത്തിലൊക്കെ പഠിച്ചിട്ടല്ലേ മാഡം ഈ നിലയിലെത്തിയത്... ഞങ്ങൾക്ക് മക്കളെപ്പറ്റിയുള്ള ആധിയും അഡ്മിഷനു വേണ്ടിയുള്ള അലച്ചിലും നിങ്ങൾക്കാർക്കും മനസ്സിലാവില്ല... ഞാൻ തർക്കിക്കാൻ നിന്നില്ല.

അവർ ഇറങ്ങി പോവുമ്പോൾ ഇതുപോലെ ഒരു മൂന്നു വയസ്സുകാരിയേയും കൊണ്ട് അഡ്മിഷനു വേണ്ടി കാത്തു നിന്ന അമ്മയെയാണെനിക്ക് ഓർമ്മ വന്നത്. കുഞ്ഞേച്ചി പഠിക്കുന്ന സ്കൂളിൽ തന്നെ എന്നെ ചേർക്കാൻ പോവുമ്പോൾ സിസ്റ്റർ പറഞ്ഞു,വയസു നാലാവണം..ഇവിടെ admission കിട്ടണമെങ്കിൽ.അമ്മ പിന്നെയും ഒരു വർഷം കാത്തിരുന്നു,ബെഞ്ചും ഡെസ്കുമുള്ള, ചൂരലുള്ള സിസ്റേറഴ്സ് പഠിപ്പിക്കുന്ന സ്കൂളിൽ admission കിട്ടാൻ. നാലാം വയസിൽ പോവുമ്പോൾ സ്നേഹ സേന എന്നെഴുതിയിരിക്കുന്നത് കാണിച്ച് ഉറക്കെ വായിക്കാൻ പറഞ്ഞു സിസ്സർ... ഉറക്കെ വായിച്ചിട്ടും അഡ്മിഷൻ കിട്ടാത്ത എന്നെ പറ്റി അപ്പയും അമ്മയും പരിഭ്രമിച്ചില്ല .

അങ്ങനെയാണ് തൊട്ടടുത്തുള്ള ദാറുസ്സലാം സ്കൂളിൽ ഞാൻ ചേരുന്നത്. ഒരു ഗവ എയിഡഡ് സ്കൂളായിരുന്നതിന്റെ പരിമിതികൾ നിറയെ ഉണ്ടായിരുന്നു അന്ന്... അപ്പയുടെ കൂട്ടുകാരൊക്കെ ഈ തീരുമാനത്തെ ചോദ്യം ചെയ്തു.ബെഞ്ചും ഡെസ്കുo ഇല്ലാത്ത സ്കൂളിൽ ഞങ്ങളൊക്കെ നിലത്തിരുന്ന് ആദ്യാക്ഷരങ്ങൾ പഠിച്ചു. നന്നായി പഠിച്ച് നാലിലെത്തിയാൽ ഡെസ്കിൽ വെച്ചെഴുത്തുന്നത് സ്വപ്നം കണ്ടു പഠിച്ചു. ഡെസ്കുള്ള സ്കൂളിൽ അഡ്മിഷൻ കിട്ടിയവർ ഭാഗ്യവാൻമാരാണല്ലോ എന്നോർത്ത് അസൂയ പൂണ്ടു. എന്തായാലും ഇവിടെ നാലാം ക്ലാസുവരെയേ ഉള്ളൂ.അത് കഴിഞ്ഞ് അടുത്തുള്ള govt aided സ്കൂളിൽ അഡ്മിഷൻ കിട്ടണം.മുൻപ് അഡ്മിഷൻ നിഷേധിച്ച സ്കൂളിലെ കുട്ടികൾക്കാണ് അവിടെ മുൻഗണന.ഞാൻ പഠിക്കുന്ന സ്കൂളിലെ കുട്ടികൾക്ക് അവിടെ പരിഗണന കുറവാണ്.കാരണം ഞങ്ങൾ ഇംഗ്ലീഷ് പഠിച്ചു തുടങ്ങുന്നത് തന്നെ നാലാം ക്ലാസിലാണ്.അവരൊക്കെ lkg യിലും.

ഒന്നിലിരുന്ന് രണ്ടിലേക്ക് ജയിക്കുമ്പോഴാണ് ആകെപ്പാടെ ഒരു മാറ്റം...ഡിപിഇപി വന്നു.പുസ്തകങ്ങൾ മഞ്ചാടിയും കുന്നിമണിയും മിന്നാമിന്നിയുമായി.ഞങ്ങൾ കവിതയെഴുതാനും കഥകൾ പറയാനും പരീക്ഷണങ്ങൾ ചെയ്യാനും തുടങ്ങി.പരീക്ഷയെ പേടിക്കാതെ ഞങ്ങൾ ആർത്തുല്ലസിച്ചു പഠിച്ചു.വിജൂന ടീച്ചറും, റംലത്ത് ടീച്ചറും, ഉമൈറത്ത് ടീച്ചറും ഒക്കെ ഞങ്ങളെ കലോത്സവങ്ങൾക്കു കൊണ്ടു പോയി. ശാസ്ത്ര പ്രദർശനങ്ങളും ക്വിസ് competition കളും ഒക്കെ പരിചയപ്പെടുത്തി തന്നത് ഇവരൊക്കെയാണ് .നാലാം ക്ലാസ്സിൽ LSS സ്കോളർഷിപ് കിട്ടിയപ്പോൾ ഞങ്ങളെ പറ്റി അഭിമാനം കൊണ്ട അധ്യാപകർ തന്ന ഊർജം ചെറുതല്ല.ജില്ലാ കലോത്സവത്തിൽ കഥാ കഥനത്തിന് സി ഗ്രേഡ് കിട്ടിയപ്പൊഴും മിടുക്കിഎന്ന് പറഞ്ഞു അഭിനന്ദിച്ചതും ഇതേ ഗുരുഭൂതന്മാരാണ്.

അടുത്തുള്ള കർദിനാൾ സ്കൂളിൽ അഡ്മിഷൻ കിട്ടി അവിടെ പത്താംതരം പൂർത്തിയാക്കുമ്പോൾ മനസ്സുനിറയെ ഇനി വലിയൊരു സ്കൂളിൽ പോയി പഠിക്കണമെന്ന ആഗ്രഹമായിരുന്നു.മലയാളം മീഡിയത്തിൽ പഠിച്ചതിന്റെ അപകർഷത ബോധമായിരുന്നു അന്ന്. ഇംഗ്ലീഷാണ് എല്ലാം എന്ന മിഥ്യാ ധാരണ.അങ്ങനെയാണ് നഗരത്തിലെ പ്രശസ്തമായ St Theresas സ്കൂളിൽ application കൊടുക്കുന്നത്.എല്ലാ വിഷയത്തിനും A plus കിട്ടിയിട്ടും ഇന്റർവ്യൂ ദിവസം എന്റെ പേര് വിളിച്ചില്ല.വാതിൽക്കൽ നിന്ന സിസ്റ്റർ അഡ്മിഷൻ തീർന്നു എന്നറിയിച്ചു. ഓടിക്കിതച്ച് പഠിച്ച സ്കൂളിൽ നിറകണ്ണുകളോടെ എത്തുമ്പോൾ എന്നെ dictionary തന്നു സ്വീകരിച്ചു എന്റെ അധ്യാപകർ.പണ്ട് അഡ്മിഷൻ കിട്ടാത്ത 4 വയസുകാരിയെ വിഷമിക്കണ്ട എന്ന് പറഞ്ഞു കൊണ്ട് വന്നത് അമ്മയായിരുന്നെങ്കിൽ ഇത്തവണ അപ്പയായിരുന്നു കൂടെ...

തിരിഞ്ഞ് നോക്കുമ്പോൾ കിട്ടാത്ത അഡ്മിഷനുകളാണ് എന്നെ ഞാനാക്കിയത്. കണ്ടീഷനുകളില്ലാതെ കൈ നീട്ടി സ്വീകരിച്ച വിദ്യാലയങ്ങളാണ് എല്ലാവരേയും തുറന്ന മനസ്സോടെ സമീപിക്കാൻ എന്നെ പഠിപ്പിച്ചത്.നിലത്തിരുന്ന് ആദ്യാക്ഷരങ്ങൾ സ്ലെറ്റിൽ എഴുതി പഠിക്കുമ്പോൾ അടുത്തിരുന്ന അജാസിനെയും ശീതളിനെയും സഹായിക്കാൻ പറഞ്ഞ അന്നമ്മ ടീച്ചറാണ് സഹവർത്തിത്വത്തിന്റെ ബാലപാഠങ്ങൾ ചൊല്ലിത്തന്നത്. മാതൃഭാഷയിലൂടെ ഗണിതവും, ഭൗതിക ശാസ്ത്രവും, രസതന്ത്രവും മാത്രമല്ല, സ്നേഹിക്കാനും, പങ്കുവെക്കാനും, സമൂഹത്തിന് ഒരു മുതൽക്കൂട്ടാവാനും ഒക്കെ ഞങ്ങളെ പഠിപ്പിച്ചു.

വലിയ വലിയ സ്കൂളുകളും, ക്ലാസ് റൂം അഴുക്കായാലോ എന്നോർത്ത് കുഞ്ഞുങ്ങൾ ചോറു തിന്നരുതെന്നു പറയുന്ന അധ്യാപകരും ,മൂത്രമൊഴിക്കാൻ ഇംഗ്ലീഷിൽ അനുവാദം ചോദിക്കാൻ ഭയന്ന് യൂറിനറി ഇൻഫെക്ഷൻ വരുന്ന കുരുന്നുകളും .... ഇതിനൊക്കെ വേണ്ടിയാണോ, ഈ കൊടുംവെയിലിൽ നിങ്ങൾ ശുപാർശക്കായോടുന്നത്? കുഞ്ഞുങ്ങൾ ചിത്രശലഭങ്ങളല്ലേ ... അവരുടെ ചിറകുകൾ കൂടുതൽ വർണ്ണാഭമാവട്ടെ.. അവർ പാറിപ്പറന്നു നടക്കട്ടേ..



Content Highlights: facebook post

വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു

May 14, 2019, 2:20 am

≫ Next: ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി

≪ Previous: നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു നിലത്തിരുന്ന് അക്ഷരം പഠിച്ചു, എപ്ലസ് കിട്ടീട്ടും ഇന്റര്‍വ്യൂന് വിളിച്ചില്ല: സബ് കളക്ടര്‍ പറയുന്നു

$

0

0

വെള്ളം അലർജിയാണെന്ന് തമാശയ്ക്കെങ്കിലും സുഹൃത്തുക്കളെ കളിയാക്കുന്നവരാണ് പലരും. എന്നാൽ ശരിക്കും വെള്ളം ശരീരത്തിൽ വീണാൽ അലർജിയുണ്ടാകുന്ന അവസ്ഥ വളരെ ഭീകരമാണ്. വെള്ളം മാത്രമല്ല കണ്ണീരും വിയർപ്പും ഇങ്ങനെ ഉള്ളവരുടെ സമാധാനം കെടുത്തും. അക്വാജനിക്ക് ഡിസോഡർ എന്നാണ് ഈ അവസ്ഥയ്ക്ക് പറയുന്ന പേര്. ഈ അവസ്ഥയിൽ വലയുന്ന പെൺകുട്ടിയാണ് യുട്യൂബ് സ്റ്റാറായ നിയ സെൽവേ. ജലസ്പർശം ഏറ്റാൽ ശരീരം പൊള്ളി വീർക്കുകയും പുകച്ചിൽ അനുഭവപ്പെടുകയും ചെയ്യും. കുളിക്കാൻ പോലും കഴിയില്ല. അറിയാതെ ശരീരത്തിൽ ഒരുതുള്ളി വെള്ളം വീണാൽ ശരീരമാസകലം വേദനിക്കും. ഒപ്പം മണിക്കൂറുകൾ നീണ്ടു നിൽക്കുന്ന പുകച്ചിലും ഉണ്ടാകും.

എന്നാൽ ഭാഗ്യം കൊണ്ട് ആന്തരീക അവയവങ്ങളെ രോഗം ബാധിച്ചിട്ടില്ലെന്നും അതുകൊണ്ട് ദാഹിക്കുമ്പോൾ വെള്ളം കുടിക്കാൻ സാധിക്കുന്നുണ്ടെന്നും ഇവർ പറയുന്നു. അഞ്ചുവയസുമുതൽ നിയക്ക് രോഗ ലക്ഷണം പ്രകടമായി തുടങ്ങിരുന്നു. പ്രായം കൂടുംതോറും അവസ്ഥ മോശമായി. തുടക്കത്തിൽ പത്തു ദിവസം വരെ കുളിക്കാൻ സാധിച്ചിരുന്നു. എന്നാൽ 11-ാം ദിവസം കുളിച്ചാൽ ശരീരം വേദനിക്കാൻ തുടങ്ങും. ആദ്യമൊക്കെ നിയ സെൽവേയുടെ പരാതി ഡോക്ടർമാരും അവഗണിച്ചു. വേദന സഹിക്കാൻ കഴിയാത്തതു കൊണ്ടാണ് പരാതി പറയുന്നത് എന്നായിരുന്നു അവരുടെ വാദം.

പക്ഷേ കൗമാരമെത്തിയതോടെ കുളിക്കാൻ പറ്റാത്ത അവസ്ഥയായി. രോഗത്തെ പേടിച്ച് ഉണ്ടായിരുന്ന ജോലി പോലും വെണ്ടെന്നു വച്ചു. രോഗത്തെ അതിജീവിക്കാൻ വേണ്ട വൈദ്യസഹായം ഒന്നും ലഭിച്ചിരുന്നില്ല. ഇതോടെ രോഗം ഗൗരവത്തോടെ കാണാൻ നിയ തീരുമാനിക്കുകയായിരുന്നു. യോഗയും നടത്തവും മാ്രതമാണ് ചെയ്യാൻ കഴിയുന്ന വ്യായാമങ്ങൾ. കാരണം വിയർത്താൽ രോഗം കൂടുതൽ മോശമാകും. മഴയെക്കുറിച്ച് ചിന്തിക്കാൻ തെന്ന പേടികയാണെന്ന് നിയ പറയുന്നു. എന്നാൽ അക്വാജനറ്റിക് പ്രൂരിറ്റസ് എന്നരോഗാവസ്ഥഅസാധാരണമാണെന്നും ഇതിന്റെ കാരണം ഇപ്പോഴും അജ്ഞാതമാണെന്നും ബ്രിട്ടീഷ് സ്കിൻ ഫൗണ്ടോഷൻ വക്താവും ത്വക്ക്രോഗ വിദഗ്ധനുമായ ഡോ. ആദിൽ ഷെർയാസ് പറഞ്ഞു.



Content Highlights: YouTube star allergic to water, left with burning skin when she cries or sweats

ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി

May 14, 2019, 3:25 am

≫ Next: ഇറോം ശര്‍മിളയുടെ ഇരട്ടക്കുട്ടികളുടെ ചിത്രം ക്ലൗഡ് നയന്‍ പുറത്തുവിട്ടുഇറോം ശര്‍മിളയുടെ ഇരട്ടക്കുട്ടികളുടെ ചിത്രം ക്ലൗഡ് നയന്‍ പുറത്തുവിട്ടു

≪ Previous: വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു വെള്ളം വീണാല്‍ പൊള്ളി വേദനിക്കുന്നു, കണ്ണീരും വിയര്‍പ്പും ശരീരം പുകയ്ക്കുന്നു

$

0

0

മകൾ പഠിക്കുന്നത് നിരീക്ഷിക്കാൻ വളർത്തുനായയെ കാവൽ നിർത്തി രക്ഷിതാക്കൾ. ചൈനയിലാണ് സംഭവം. ഷൂലിയാങ് എന്ന പിതാവാണ് മകൾ ഷിയാന പഠനത്തിനിടെ മൊബൈലിൽ നോക്കി സമയം കളയാതിരിക്കാൻ നായയെ കാവലിരുത്തിയത്. ചൈനയിലെ ഗുയിഷോയിൽ നിന്നാണ് അൽപ്പം കൗതുകമേറിയ ഈ കാഴ്ച പുറത്തുവന്നിരിക്കുന്നത്. പെൺകുട്ടി പഠിക്കാനിരിക്കുന്ന മേശയുടെ മുകളിൽ കാൽ ഉയർത്തിവച്ച് കാവൽ നിന്ന് ഷിയാനയെ നിരീക്ഷിക്കുന്ന വളർത്തുനായയുടെ ദൃശ്യങ്ങൾ സോഷ്യൽ മീഡിയ ഏറ്റെടുത്തു കഴിഞ്ഞു.

പെൺകുട്ടിയുടെ പിതാവ് തന്നെയാണ് ഫാൻത്വാൻ എന്ന വളർത്തു നായക്ക് ഇതിനുവേണ്ട പരിശീലനം നൽകിയത്. പഠിച്ചു കൊണ്ടിരിക്കുന്ന പെൺകുട്ടിയുടെ മുന്നിലും വശങ്ങളിലുമായി മാറിമാറി നിന്ന് നായ നിരീക്ഷിക്കുന്നത് ദൃശ്യങ്ങളിൽ നിന്ന് വ്യക്തമാണ്. മകൾക്ക് ഹോം വർക്ക് ചെയ്യാൻ നല്ല മടിയായിരുന്നു. ഇങ്ങനെയാണ് വളർത്തുനായയെ കാവൽ നിർത്താൻ തീരുമാനിച്ചത്, അവൻ അവന്റെ ജോലി ഭംഗിയായി ചെയ്തു വരുന്നു-പെൺകുട്ടിയുടെ പിതാവ് പറഞ്ഞു. നായക്കുട്ടിയെ കാവൽ നിർത്തിയതോടെ തനിക്ക് പഠിക്കാൻ മടിയില്ലെന്നും ചുറ്റും സഹപാഠികൾ ഉള്ളതു പോലെ തോന്നുന്നുണ്ടെന്നുമാണ് ഷിയാന പറയുന്നത്.



Content Highlights:Dad Trains Dog To Make Sure Daughter Does Homework

ഇറോം ശര്‍മിളയുടെ ഇരട്ടക്കുട്ടികളുടെ ചിത്രം ക്ലൗഡ് നയന്‍ പുറത്തുവിട്ടുഇറോം ശര്‍മിളയുടെ ഇരട്ടക്കുട്ടികളുടെ ചിത്രം ക്ലൗഡ് നയന്‍ പുറത്തുവിട്ടു

May 14, 2019, 8:27 am

≫ Next: കൂട്ടബലാത്സംഗം ചെയ്യപ്പെട്ടു; ശരീരം കത്തിച്ചു കൊണ്ട് അവള്‍ പറഞ്ഞു: 'ഇനി ആരും പീഡിപ്പിക്കില്ലല്ലോ..' കൂട്ടബലാത്സംഗം ചെയ്യപ്പെട്ടു; ശരീരം കത്തിച്ചു കൊണ്ട് അവള്‍ പറഞ്ഞു: 'ഇനി ആരും പീഡിപ്പിക്കില്ലല്ലോ..'

≪ Previous: ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി ഫോണില്‍ നോക്കി സമയം കളയുന്നു, മകള്‍ പഠിക്കുന്നത് നിരീക്ഷിക്കാന്‍ വളര്‍ത്തുനായയെ കാവല്‍ നിര്‍ത്തി

$

0

0

ബെംഗളൂരു: ഇറോം ശർമിളയുടെ ഇരട്ടക്കുട്ടികളുടെ ചിത്രം ക്ലൗഡ് നയൻ ഹോസ്പിറ്റൽ പുറത്തു വിട്ടു. ഇക്കൊല്ലത്തെ മാതൃദിനമായ മെയ് ഒമ്പതിനായിരുന്നു ഇറോം ശർമിള ഇരട്ട പെൺകുട്ടികൾക്ക് ജന്മം നൽകിയത്. നിക്സ് ശാഖി, ഓട്ടം താര എന്നിങ്ങനെയാണ്കുട്ടികൾക്ക് നൽകിയിരിക്കുന്ന പേരുകൾ.

മാതൃദിനത്തിൽ തന്നെ കുഞ്ഞുങ്ങൾ ജനിച്ചത് യാദൃശ്ചികമാണെങ്കിലും അത് സന്തോഷം ഇരട്ടിയാക്കിയെന്ന് ഇറോമും ഭർത്താവ് ഡെസ്മണ്ട് കുടിഞ്ഞോയും അറിയിച്ചിരുന്നു. സിസേറിയനിലൂടെയായിരുന്നു കുട്ടികളുടെ ജനനം. ശസ്ത്രക്രിയയുടെ ചെറിയ അസ്വസ്ഥതകൾ ഉണ്ടായിരുന്നെങ്കിലും ഇറോമും കുട്ടികളും ഇപ്പോൾ ആരോഗ്യത്തോടെ ഇരിക്കുന്നതായി ആശുപത്രി അധികൃതർ അറിയിച്ചു.

അഫ്സ്പ നിയമത്തിനെതിരെ ദീർഘകാലം നിരാഹാര സമരം നടത്തിയ മണിപ്പൂരിന്റെ ഉരുക്കുവനിത ഭരണകൂടത്തിന്റെ അനുകൂല നടപടി ഉണ്ടാകാത്തതിനെ തുടർന്ന് 2016 ൽ സമരം അവസാനിപ്പിച്ചിരുന്നു. 2017 ലെ നിയമസഭാ തിരഞ്ഞെടുപ്പിൽ മത്സരിച്ചെങ്കിലും ഇറോം പരാജയപ്പെട്ടു.

Content Highlights: Irom Sharmilagives birth to twin girls-pics